Зои Блаж: „Завршив на инфузија пред свадба поради напорните подготовки, но вредеше – свадбата ни беше магична“

Заедно ги смисливме и двете венчаници и искрено добив премногу убави зборови и многу пораки што баш ми прави да се чувствувам посебно. Станува збор за млада и талентирана креаторка Ана Дајагри, верував во неа, се дружиме доста години и решив да ѝ се препуштам и не згрешив.

Топло им ја препорачувам на идните невести ако сакаат да изгледаат урбано и специфично. Двете венчаници ми ги изработи таа.

Бидермаерот и китенките ми ги изработи Мила од Гладиола и ми ги надмина очекувањата, имав два пара сандали, како и патики Армани.

Фризурата ми ја правеше мојот драг другар Станче, кај него одам веќе 6 години и не го менувам, а за шминката се погрижи мојот драг колега Зоран Шурбевски и сум презадоволна како ме нашминка – буквално како што се имав замислено.

Свадбата се одржа во ресторанот Парк Гиновци“ во Крива Паланка. Со кумата бевме еден викенд на уживање таму и се заљубив во природата што ја има комплексот, во мирот и спокојот.

Му покажав на Тадеј и на него му се допадна бидејќи е поразлично од другите места и лесно се договоривме да правиме свадба таму.

Матичното требаше да биде на отворено и беше друга замислата, но поради времето моравме и тоа во затворено да го правиме како и целата свадба, но на крај беше и тоа преубаво, иако не беше како што замисливме.

За музичкиот дел беа ангажирани Бендот на браќата Нуне со Мими Јовановска, Бокс Конга и диџеј Мац. Прекрасна спојка направив и сега да правам свадба сè исто би било кога сме кај бендовите. Преубава забава направија и сум пресреќна што ги одбрав вистинските.

Музичкиот дел го бирав јас бидејќи имам завршено музичко и имам доста познавање и пријатели како што се и они затоа и ги одбрав и сум пресреќна што и Тадеј беше воодушевен.

Првиот танц ни беше на „Нисам те због лепоте волео“, која ни ја отпеа Мартинијан Кириловски, а во забавниот дел пееше и Александра Јанева.

Овојпат немавме венчавка во црква, договорени сме да имаме кога ќе добиеме детенце. Не беше класична свадба направивме микс од двете страни, не правевме баш класична традиционална свадба.

За свадбениот ден ништо не би сменила, тој ден за мене беше најубавиот ден што ми се случил, толку бевме возбудени, среќни и исполнети. Многу бев среќна што вистинските луѓе беа покрај нас и ништо не би сменила, фала им на сите што ни направија чест.

По свадбата на кратко бевме во Грција, а официјално здравје на меден месец сакаме да одиме во Доминиканската Република.“

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело