Димитар Симовски (18): „Научив да ткаам на разбој од моите баби, колекционер сум на народни носии“

Покрај со колекционерството и самиот си творец на традиционални народни носии. Од кого учеше да ткаеш на традиционален разбој?

Големиот восхит кон носиите и нивната убавина ми ја вродија желбата да почнам и сам да ги изработувам. Ткаењето ме интересираше уште како дете, па моите баби ме научија.

Но, за изработката на носиите учев од разни баби, кои ми кажуваа како ги правеле во својата младост.

Реткост е млад човек да е чувар на традицијата, па кои се реакциите на најблиските?

Како што споменав голема поддршка имам од моите роднини, а најголема од моето семејство. Сите се со позитивни реакции, особено некои повозрасни луѓе кои слушнале за мене, бидејќи како што велат сум чувар на традицијата.

Сепак и младите луѓе често знаат да ја поздрават ваквата пасија.

Дали некогаш би ги продал/подарил?

Желбата да имам моја уникатна колекција на народни носии постоела од секогаш. Од кога научив да ги изработувам знам и да направам некоја по нарачка.

Сепак, ретките и оригиналните парчиња знаеме дека немаат парична цена, тие се наше културно богатство.

©CRNOBELO.com Забрането преземање и копирање. Крадењето на авторски текстови е казниво со закон.

Д. Б. | Црнобело

фото: приватна архива + етно саем Трњани