Петар Грашо за CRNOBELO: „Дедо и зет секогаш мора да се караат - што и да ми предложи Тончи ќе му речам НЕ“

Детали

вторник, 24 февруари 2026

„Понекогаш ме нервира кога Хана остава мали парченца храна од ручекот во фрижидер, кои јас би ги фрлил. И никој не ги гледа 20 дена, па кога ќе почнам да го чистам фрижидерот, ги наоѓам и знам да се налутам. Тоа е најголемата ‘голема’ причина за расправија со неа“, искрен е Петар во видео-интервјуто за CRNOBELO.com.

Хрватскиот шармер Петар Грашо е чест гостин во Македонија. Тука се чувствува како дома, тука имаше концерт дента кога неговата сопруга Хана почна да се породува со нивното прво дете, па веднаш по настапот во Охрид смени неколку авиони и автомобили за да стигне во Сплит за раѓањето на ќерката Алба.

А тука, кај нас, на 14 март ќе одржи и концерт со Дорис Драговиќ, дивата на југословенската музика.

„Со неа во 1998-ма го снимив својот прв дует, за песната ‘Што је то од мене остало’. Таа ми е драга пријателка, но и сосетка, живее на околу 200m од мене“, вели низ смеа Грашо во видео-интервјуто за CRNOBELO.com.

Грашо во интервју за CRNOBELO.com

Пејачот, кој на почетокот на кариерата свиреше во „Магазин“, бендот на неговиот „дедо“ (татко на сопругата) Тончи Хуљиќ, ни призна дека не би се вратил таму ни на 6 месеци.

„Тончи ми е дедо, а вие знаете дека зетот и дедото секогаш мора да се караат, така што, што и да ми предложи, јас нема да прифатам, ха, ха“, вели Петар.

Ни призна дека ужива во романтичните вечери со сопругата, но и дека знае да се изнервира кога таа ќе собере 1-2 останати залчиња од ручекот, ќе ги стави во фрижидер, па ги заборава таму.

„Ние немаме оснос во кој има простор за многу расправии. Јас сум среќен што сум со неа и што сум мирен. Се познаваме многу долго, се знаевме семејно и пред нашата врска, имаме слични афинитети...

Но, понекогаш ме нервира кога остава некои мали парченца храна од ручекот, кои јас би ги фрлил, зашто се навистина мали парчиња, а таа не сака да фрла храна, па ја става во фрижидерот.

И секако, никој тоа не го гледа 20 дена, па таа ќе го заборави, а кога јас ќе почнам да го чистам фрижидерот, ги наоѓам и знам да се налутам. Тоа се најголемите ‘големи’ причини за расправија“, искрен е Петар.

Пред да се роди ќерката Алба Грашо имаше настап во Охрид, па брзаше да си дојде дома, зашто Хана веќе била во болница и се породувала. А ноќта пред да се роди синот Тони, Петар се вратил од турнеја во Австралија.

„Стигнав во Загреб и ме поканија на еден роденден, но чувствував дека мора да одам во Сплит, иако на Хана уште не ѝ беше терминот за породување.

Утрото во 7 сопругата ме разбуди и рече дека е време да одиме во болница, за разлика од раѓањето на првото дете кога патував од Охрид до Скопје, па до Загреб, па од Загреб во Сплит.

Тука бев со неа додека се породуваше, така што го дочекав синот веднаш“, ни раскажа тој.

Што друго ни раскажа, погледнете во видеото:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело