Заради сопругот се откажа од кариерата, а тој ја напушти прерано – Факти за турската актерка со македонско потекло, Озгу Намал

Озгу ги родила и двете деца со помош на сопругот, кој ја породил со хипноза, а додека живееле на ранчот тие организирале кампови на кои се изучувале техники за дишење, што биле мошне популарни.

Во 2020-тата година Озгу ќе се соочи со голема животна трагедија, кога во својот дом ќе го најде безживотното тело на сопругот кој имал уште еден срцев удар.

Според турските медиуми, Ахмет веднаш бил пренесен во болница, но лекарите не можеле да направат ништо за да го спасат.

На погребот на Ахмет присуствуваа голем број познати личности и колеги, но Озгу самата била скршена од болка и не можела да дојде.

Нејзини блиски за медиумите изјавија дека актерката не присуствувала на последниот поздрав со сопругот затоа што се грижела за малите деца.

Таа пред извесно време беше фотографирана со децата додека беше на одмор во Бодрум, па турските медиуми пренесуваа дека убавата актерка се скарала со фотографите и барала веднаш да ги избришат фотките од децата.

Сега, 3 години по смртта на сопругот и 10 години откако се откажа од филмската кариера, турските медиуми пренесуваат дека убавата актерка повторно планира да се врати на снимањето серии и проекти.

Б. С. Б. | Црнобело