„Не сакаше ни да готви, ни да работи“: Ненад Кнез првпат прозборе за разводот со мајката на Ксенија од „Hurricane“

Детали

вторник, 25 јули 2023

„Со тогашната сопруга долго имавме несогласувања. Еден од проблемите беше што не работеше, беше фокусирана само на децата. Сакав да ја вработам некаде, не за парите, туку за да прави нешто во животот. Не сакаше. Ѝ отворив бутик, но нејзината филозофија во животот беше да не работи. Не сакаше ни да готви, па јас го правев тоа“ – вели во интимна исповед пејачот Ненад Кнежевиќ Кнез.

Црногорскиот пејач Ненад Кнежевиќ Кнез по 11 години првпат јавно прозборе за разводот од првата сопруга Нина, со која има две ќерки - Андреа и Ксенија која пееше во групата Hurricane.

Интимната исповед на Кнез ја изненади јавноста, откако откри дека тој побарал развод од сопругата бидејќи таа не сакала да готви и да работи.

Кнез и Нина се разведоа во 2012 година, по 17 години брак. Пејачот во интервју вели дека не му било ни малку лесно да стави точка на бракот, но дека во последните години имале многу проблеми кои не можеле да ги решат.

„Мојата тогашна сопруга и јас имавме несогласувања долго пред разделбата. Еден од проблемите беше што таа не работеше, беше фокусирана само на нашите деца. Сакав да ја вработам некаде, не за парите што ќе ги зема, туку за да прави нешто во животот. Но, таа не сакаше.

Дури ѝ отворив и бутик, но нејзината филозофија во животот беше да не работи. Не сакаше ни да готви дома, па јас го правев и тоа“ – вели Кнез, кој е еден од најпопуларните црногорски пејачи.

Музичарот призна дека една од најтешките одлуки во животот му била да се разведе. Долго размислувал што да прави, а потоа во 2010 година добил покана да учествува во реалното шоу „Survivor“.

Бидејќи му требала промена и да се тргне од секојдневните проблеми, Кнез решил да ги спакува куферите, да отпатува на Филипините еден месец и да размисли за сè.

„Благодарение на мојот авантуристички дух, ја прифатив понудата да се натпреварувам во третата сезона на 'Survivor' со познати личности. Природата и тишината што владеат на островот ме ресетираа и ми помогнаа да размислувам за мојот живот. Мозокот ми се врати во нормала.

Тогаш решив дека дефинитивно ќе се разведам. Можеби звучи неверојатно, но 32 дена борба за живот во џунглата ми помогна да сфатам дека разделбата од сопругата е единственото решение за мене“.

Откако се вратил од Филипините, Кнез на сопругата ѝ однел документи за развод и го напуштил станот.

„Иако јас сакав да прекинеме, тешко ми беше да го поднесам разводот. Сето тоа беше неверојатно стресно за мене. Многу се плашев за нашите ќерки, кои не беа мали и се чувствуваа лошо што нивните родители се разведуваат.

Поради нив две поминав преку многу работи со Нина, за тие да не почувствуваат ништо. На крајот сè испадна како што треба“, вели тој.

Кнез и Нина имаат две ќерки, Андреа и Ксенија. Ксенија се прослави преку групата Hurricane, со која настапи и на Евровизија. А, Кнез за цело време ѝ беше голема поддршка и ја бодреше во кариерата.

По разводот од Нина, Кнез почна врска со Татјана Тот.

„Не се венчавме бидејќи таа хартија не ни значи ништо. Многу добро функционираме и на овој начин. Кога ја работев песната 'Тина бамбина', ја запознав Татјана на мојот настап во Париз, каде што живееше и работеше долго време.

Кога ми кажа дека нејзиниот прекар е Тина, веднаш знаев дека тоа е песна за неа. Ние двајца се запознавме пред 25 години, а пред 11 години повторно се споивме и оттогаш живееме заедно“, рече Кнез.

А. Ј. | Црнобело