Мајка ѝ ја оставила во дом, не им верува на видеата на кои сопругот ја изневерува - Што знаеме за Весна Џогани?

Весна и Ѓоле се долги години заедно, а привлекуваат внимание и со големата генерациска разлика што постои меѓу нив. Тој е постар од неа 18 години и таа вели дека многу научила и созреала со него.

Тие двајца во 2006-та година го добија синот, Адријан (кој е крстен според бразилскиот фудбалер Адријано Леите Рибеиро), а во 2014-та година ја добија ќеркичката Лаура.

Инаку, Ѓоле од првиот брак со Слаѓа има две ќерки, Силвија и Маринела, а убавите вести дека Весна е бремена и дека чекаат син, ги објавија со песна која беше вистински хит.

Весна во еден период призна дека најголем предизвик во бракот била нејзината постпородилна депресија, а дека токму сопругот ѝ помогнал да се справи со проблемите.

Уште еден интересен податок за нивната врска е дека и покрај тоа што тие двајца се заедно повеќе од 20-тина години, никогаш не стапиле во брак.

„Еднаш во животот се оженив. Првиот пат се оженив со Слаѓа и се разведов, а Весна и јас живееме заедно. Ние не се венчавме, но живееме речиси дупло повеќе отколку што бев со Слаѓа.

И супер ми е. Не мора некој да потпише нешто безвезно за да, ете, биде во брак“ – рече тој во една пригода.

Минатата година нивниот брак беше во фокусот на јавноста кога на српските папараци фотографи објавија видео снимки на кои наводно се гледа како Ѓоле се бакнува со друга членка на денс групата. Весна веднаш ги демантираше таквите наводи и изјави дека има максимална доверба во него.

Б. С. Б. | Црнобело