Данијела Димитровска „процвета“ со новиот дечко, Огњен Амиџиќ ги одбројува деновите до породувањето нa девојката

Детали

понеделник, 27 ноември 2023

Мина Наумовиќ сподели нејзина заедничка фотографија со Огњен и најави дека веќе ги одбројуваат последните денови пред раѓањето на нивното прво заедничко дете. Данијела Димитровска, пак, објави видеа на кои ужива со новиот дечко откако заедно славеа за престижната награда што таа ја освои.

Поранешната сопруга на Огњен Амиџиќ (48), манекенката со македонско потекло Данијела Димитровска (36), е пресреќна во прегратките на нејзиниот нов дечко Јеврем Косниќ (30).

Таа на Инстаграм Стори објави две видеа во кои се гледа како тие двајца заедно го поминале првиот снежен ден.

Прегрнати во домашна атмосфера, Данијела и Јеврем уживале во времето поминато заедно, откако претходно убавата манекенка и ТВ водителка се појави на еден мошне важен настан, каде што доби сосема неочекувана награда.

Според многумина, Данијела „процвета“ откако се разведе од поранешниот сопруг, a минатата недела присуствуваше на настанот Wannabe Digital Awards 2023, каде ја освои наградата за најдобар моден инфлуенсер на годината.

„Сѐ што направив во животот беше исклучиво за да си докажам себеси дека можам и од желбата да ги поместувам сопствените граници на комфорот и да бидам добар пример, пред сѐ за себе, а потоа и на сите оние што ме следат.

Никогаш не сум се натпреварувала со другите, туку сама на себе си бев единствена патека на патот до успехот. Оваа награда навистина не ја очекував, но ми даде дополнителен ветер во грбот“ – напиша таа на Инстаграм.

Во меѓувреме, новата девојка на Огњен, Мина Наумовиќ (28), на Инстаграм објави нова заедничка фотографија од нив двајца до која напиша:

„Родители“ – и додаде емотикон со песочен часовник, за да каже дека ги одбројуваат последните денови пред да го сретнат нивното дете.

За потсетување Данијела и Огњен се разведоа во 2022-ра по 10 години брак.

Тие двајца заедно го имаат синот Матеј, а Огњен во моментов го очекува своето второ дете со девојката Мина.

Во продолжение погледнете повеќе фотографии од Данијела во моментот кога ја доби наградата:

Б. С. Б. | Црнобело / фото: Instagram