„Ќе мора да живеам со демоните што ме прогонуваат“: Што кажа Ѓорѓе Давид за несреќата во Куманово?

Давид потоа раскажа што се случувало во деновите пред несреќата.

„Три-четири дена пред немилиот настан сè течеше одлично, бев среќен и горд на себе и на бендот, се јавував дома...

Во саботата наутро кога тргнавме назад и имаше ненормално невреме, снежна бура која баш ни беше изненадување. Стигнавме во Скопје, испивме кафе и вечерта околу 7:15 тргнавме за Белград. И некаде на околу 2.400 метри пред граница се случи таа приказна.  

На оваа приказна ѝ претходело тоа што девојката што ја предизвикала несреќата, влегла во спротивната лента на автопатот и директно се судрила со автомобил во кој сите беа повредени. Не знам кои се последните информации за нив.

Мајката на девојката која ја предизвикала несреќата излегла од автомобилот во тотален шок, не знам точно што се случило. Таа била неповредена или со полесни повреди.

Јас имав сноп светлина од десната страна од пумпата зад мене, но како го поминав се најдов во тотален мрак. Во тој момент влегов во магла, ја намалив брзината и во еден момент ми се причини дека нешто не е во ред.

Сè се случи во секунда. Свртев в десно за да се тргнам од автопат и да 'промашам' сè што се наоѓаше околу мене, таа несреќа. Забележав жена со бел капут и се случи тоа.

Кога застана автомобилот, се контролирав, излегов надвор и тоа што го видов беше страшно. Не знаев што се случува. Видов човек чија глава беше отворена, мислев дека го удрив него.

Ме одведоа во болница, а дури отпосле ми кажаа дека сум удрил жена“, раскажа музичарот.

Тој ги покажал и конците на раката и објаснил дека повредите настанале од скршената шофершајбна на неговиот автомобил.

„Првиот шок ми беше кога сфатив што се случило. Мојата смиреност е мојата сила.

По несреќата не спијам, ослабев пет килограми, и на мене се гледа дека физички пропаднав. Сликите почнуваат да ми се враќаат во главата.

Јас сум човек кој не ги гледа овие работи однадвор, така сум воспитан. Сметам дека како јавна личност во секој случај треба да давам пример.

Сега едвај чекам повторно да отидам таму, сакам да се сретнам со тој човек, со сопругот“, ја заврши Давид својата приказна.

Тој на крајот кажа дека и покрај несреќата, ќе мора да продолжи со настапите, но и со работата во „Ѕвездите на Гранд“, бидејќи од него зависат и семејствата на музичарите со кои свири, но и кандидатите на кои им е ментор во шоуто.

„Зборот концерт сега звучи грдо, но јас имам обврски и кон своето дете, кон сопругата и морам да продолжам понатаму“, кажа тој.

А. Ј. | Црнобело