Се разведе од познат актер, тврди дека ѝ се додворуваат политичари - Што знаеме за водителката Бојана Лазиќ?

Детали

недела, 07 декември 2025

„После разводот не бев толку позната, па полесно им беше да флертуваат. Ми носеа цвеќе, чоколади... Но никогаш не сум сакала да бидам со некој познат, доволно е што бившиот маж ми е популарен“, вели водителката на ТВ Пинк, Бојана Лазиќ.

Црногорката Бојана Лазиќ со години е едно од заштитните лица на ТВ Пинк. Убавата водителка секоја недела ја води емисијата „Премијера викенд - Специјал“, а од неодамна и шоуто „Пинкове звезде“, заедно со Огњен Амиџиќ.

Иако кариерата ја почна во „Гранд“, денес важи за една од омилените водителки во конкурентската телевизија „Пинк“.

Пред камерите Бојана е секогаш насмеана и сталожена, но нејзиниот приватен живот, иако без скандали, имал многу турбулентни моменти.

Што знаеме за Бојана Лазиќ?

Родена е во Подгорица во јули 1986 година, но на свои 18 години се преселила во Белград за да студира глума.

За тоа време вели дека ѝ било најтешкото во животот.

„Не само што немав никој од фамилијата со мене, туку немав ни пријатели. Тогаш почнав да запознавам луѓе.

Денес е поинаку, го имам син ми, најдобрите пријатели ми се тука, имам кума, но и работа што ја сакам, а Белград е мојот град, тука ми е најубаво на цел свет“, рекла таа во едно интервју.

Во Белград го запознала и актерот Жарко Лазиќ, со кого се омажила и добила син.

Додека биле во брак, за да придонесува финансиски за семејството, таа работела во ресторан.

За разводот од него, вели дека ѝ бил многу стресен, исто колку што ѝ бил стресен и разводот на нејзините родители.

„Тие две ситуации најмногу ме ‘изместија’. Беше тешко, но денес сме во феноменални односи со Жарко.

Заедно го воспитуваме синот и иако мојот бивши сопруг знае да каже дека Матеја е поблизок со него, јас тврдам дека имам подобар однос со нашиот син“ - рекла во едно интервју Бојана.

По разводот, вели дека ѝ се додворувале секакви мажи, меѓу кои и спортисти, музичари, политичари, ѝ носеле цвеќе, чоколади...

„Во тоа време не бев толку позната, па полесно им беше да флертуваат. Но никогаш не сум сакала да бидам со некој познат, доволно е што бившиот маж ми е популарен“, рекла таа, а тврди дека политичари ѝ се додворуваат и сега, но помалку.

Бојана сега е во љубов со маж кој не е дел од јавниот живот.

Признава дека е среќна, и дека станува збор за голема љубов, но и дека не би сакала да се омажи пак.

„Не би стапнала на лудиот камен, но би сакала да имам ќерка. Отсекогаш сум се гледала како мајка на син и на ќерка. Не се знае, можеби Бог ќе ми даде и ќерка“, вели таа.

А. Ј. | Црнобело