Сара Јо објави фотки од болница по операција: „Слушајте си го телото“

Детали

четврток, 14 март 2024

„Би сакала оваа објава да ви биде потсетник да одите на редовни прегледи“ – им порача Сара Јо на своите следбеници на Инстаграм. Пејачката откри дека само еден ден откако се појави на Vogue Adria имала рутинска операција. 

Српската пејачка Сара Јовановиќ, попозната како Сара Јо, на Инстаграм Стори објави фотки на кои лежи во болнички кревет.

Како што пишува, следниот ден откако била на Vogue Adria, таа морала да направи рутинска операција. 

Сара не открива што ѝ се случило и која била причината заради која била оперирана, но сепак упати порака до своите следбеници:

„Во сабота Vogue, а во недела... Можеби мора да постои некој баланс, нели? Сега сѐ е во ред, станува збор за рутинска операција, но би сакала ова Стори да ви биде потсетник да одите на редовни прегледи!

И да го слушате сопственото тело (ова второво изгледа го научив дури во својата 30-та година)“.

Таа се пофали и со цветните аранжмани што ги добила од пријателите и блиските, а во овој момент најголема поддршка ѝ се најблиските, како и дечкото Жига Сотлар.

Во продолжение погледнете неколку фотки од појавувањето на Сара Јо на Vogue Adria:

Б. С. Б. | Црнобело