Татко му ја убил мајка му, го помниме по Survivor – Факти за згодниот Хрват Марио Млинариќ

Детали

недела, 16 јуни 2024

Кога имал само 11 години татко му ја убил мајка му пред негови очи. Марио го запознавме преку хрватските сапуници, како „Забранета љубов“, а беше водител и на шоуто Survivor. Што знаеме за згодниот и фит Хрват, Марио Млинариќ?

Марио Млинариќ (44) е хрватски актер, манекен, ТВ водител, но и професор по кинезиoлогија. Македонската публика го помни по серијата Zabranjena ljubav, каде ја толкуваше улогата на фотографот Јаков, а беше водител и на популарното шоу Survivor.

Во последните неколку години тој е оддалечен од глумата, а повеќе е сконцентриран на промовирањето на спортот и здравите животни навики.

Марио е и кондициски тренер па на својот Инстаграм профил редовно објавува видеа со вежби и тренинзи.

Тој изгледа одлично, па дури важи и за еден од најзгодните Хрвати.

Малкумина знаат дека тој имал мошне тешко детство. Кога Марио имал само 11 години, неговиот татко Маријан ја убил мајката на детето Ивка.

Според раскажувањата на Марио, тој ден во домот колеле добиток и татко му легнал да спие затоа што испил премногу.

Сопругата дошла да го разбуди за да ги завршат обврските пред да се стемни, но тој сè уште неотрезнет со нож ја нападнал сопругата и ја убил пред очите на детето.

Татко му поминал 10 години во затвор, а за Мaрио и сестра му се грижеле неговиот стрико и стрина.

„Ужасно е тешко кога ќе останеш без родител, а најтешко е кога ќе останеш без двајцата. Стрико ми и стрина ми даваа сè од себе. Најлошо е кога се празници, ти фалат родителите.

Кога бев мал морав брзо да пораснам и да станам голем.

Морав побрзо и порационално да размислувам и немав време за плачење. Самиот себеси се научив дека животот е борба.

На некои други сè им паѓа од небо, а мене ми ги постави најтешките испити“ – рече тој во една пригода.

Тој во една пригода рече дека тоа се случило под сплетот на околностите, а главен виновник е алкохолот.

„Татко ми е феноменален човек и знам дека цел живот се кае за тоа“ – рече Марио кој за настанот не обвинува никого и вели дека тоа бил несреќен случај.

Продолжува на следната страница...