Туристка се жали за цените во Хрватска: „Поскапо е и од Лондон, како живеат луѓето тука?“

Детали

недела, 29 јуни 2025

„Ни јас не знам како живееме овде“, „Не прашувај ништо, сестро“ коментираат Хрватите под објавата на Алекс за превисоките цени во маркетите во Хрватска, каде туна била 4 евра, а сладолед – 8 евра.

Aлекс од Велика Британија, потпишана какио @Alexathelion на ТикТок, по мајка има потекло од Хрватска, па затоа сега одлучила да ја посети оваа земја.

Но, покрај посетата на родното место на мајка ѝ, како и уживањето во убавините на Хрватска, таа проговори и за лошата страна, односно превисоките цени, кои се резултат на масовниот туризам.

Високите цени во Хрватска често се тема на расправа на социјалните мрежи, а сега и Алекс е шокирана од цените на храната за време на нејзината туристичка посета.

Во краткото видео, Алекс ги споредува цените со оние во Обединетото Кралство и вели дека Хрватска е поскапа дури и од Лондон.

Нејзиниот коментар дека туната во Хрватска е 4 евра, а сладоледот 8 евра предизвика лавина реакции.

Алекс вели:

„Се прашувам како живеат луѓето?

Не можам да поверувам колку е сè скапо, полошо од Лондон. Се прашувам како живеат луѓето тука, навистина.

Видов пакување туна од 4 евра. Гледам сладолед од 8 евра. Ова е како премиум шопинг во Велика Британија...“

Многумина се согласија со нејзините забелешки и во коментари ѝ напишаа:

„Хрватска има ужасни цени, не можеме да си дозволиме храна“.

„Ни јас не знам како живееме овде“.

„Ужасно живееме, ете, нека видат странците“.

„Туна од 4 евра е дури евтина“.

„Не прашувај ништо, сестро“.

Погледнете го видеото:

https://www.tiktok.com/@alexathelion0/video/7518023922328177943

Таа објави уште неколку видеа од Хрватска:

https://www.tiktok.com/@alexathelion0/video/7516924269360631062

https://www.tiktok.com/@alexathelion0/video/7517557766848777494

С. С. | Црнобело / фото: depositphotos.com