Си ја убил сопругата, трипати бегал од затвор: Кој е првиот сериски убиец од Хрватска?

Детали

сабота, 06 јуни 2026

Винко Пинтариќ се смета за можеби првиот сериски убиец од модерната историја на Хрватска. Во период од 17 години, убил пет луѓе, а дури трипати успеал да побегне од затвор. На крај, бил убиен од полицаец додека бил во бегство.

Сериските убијци се нешто што не замислуваме дека постои во наша близина.

Ги гледаме во филмови, читаме за убијци од реалноста, но секогаш се во некоја далечна земја, како Америка.

Но, низ годините, и во балканските земји се појавувал по некој сериски убиец, како Винко Пинтариќ од Хрватска.

Винко убил пет лица, во период од 17-тина години, неколкупати бегал од затвор и се смета за можеби првиот сериски убиец од модерната историја на Хрватска.

Бидејќи бил искусен во ракувањето со огнено оружје, а бил и мошне насилен, со години сеел страв, пред да биде убиен од хрватската полиција.

Што знаеме за него?

Вино Пинтариќ бил роден во 1941 година, во село во близина на хрватскиот град Бјеловар.

Неговиот татко загинал за време на Втората светска војна, а неколку години подоцна неговата мајка се премажила.

Но, нејзиниот нов сопруг бил насилен алкохоличар, а Винко често му бил на мета.

Трауматичното детство го направило Винко гневна личност, а според некои извори, честопати зборувал за тоа дека ќе се одмазди за татко му.

Во тинејџерските години почнал да се интересира за огнено оружје, а бидејќи немал дозвола, полицијата неколкупати му ги конфискувала оружјата.

Кога првпат стапил во брак, Винко не бил во добар однос со родителите на сопругата. Па, ги нападнал поради што поминал некое време во затвор.

По ослободувањето ставил крај на бракот, се преселил во хрватскиот град Забок и се венчал со друга жена.

Со неа добил ќерка, а таа веќе имала дете од претходен брак. И, наводно, овој период Винко навистина само сакал да си го среди животот и да го остави минатото зад себе.

Но, во 1973 година, Винко го извршил првото убиство што засекогаш ќе му ја промени судбината.

Винко пробувал да добие работа во локална фабрика, а откако го одбиле, почнал да верува дека причината се браќата на неговата сопруга кои веќе работеле таму.

Истата вечер испил многу алкохол, а кога се вратил дома почнал караница со неговите соседи.

Караницата ескалирала – Винко зел пиштол од неговиот дом, го убил едниот сосед, а другиот го ранил.

Продолжува на следната страница...