Српска пејачка со исповед: „Татко ми бил прогласен за мртов и однесен во мртовечница - некој таму слушнал дека е жив“

Детали

петок, 17 октомври 2025

„Претпоставувам дека пријателот на тато кој возел заспал, не ги знам точните детали, но тато излетал од колата 20m. Тоа ни го кажа мама. После тоа, го одвеле во Нови Сад и таму тато бил прогласен за мртов“ - раскажува пејачката со македонско потекло, Надица Адемов, за необичната животна ситуација.

Надица Адемов, српската пејачка која е родена во Скопје, пораснала во Белград со родителите и двајца браќа.

Бидејќи мајка ѝ и татко ѝ продавале на пазар, а неа немало кој да ја чува, често ја земале со себе, па им помагала колку што можела.

И покрај тоа што детството ѝ било тешко, таа во емисијата „На терапијата со Славица Ѓукиќ Дејановиќ“, рекла дека никогаш не ѝ недостасувала љубов и внимание во семејството, ни на неа, ни на браќата.

Надица во емисијата раскажала дека татко ѝ секогаш бил важна машка фигура во нејзиниот живот, но дека долго време околу него се „плетела“ приказна, која таа како мало дете не ја разбирала.

Дури кога пораснала, родителите ѝ објасниле дека татко и доживеал сообраќајна несреќа во која бил прогласен за мртов и бил однесен во мртовечница, но еден од вработените во мртовечницата слушнал повици за помош и сфатил дека е жив.

За неверојатната ситуација во која се нашол татко ѝ, Надица вели:

„Беше многу тешко. Бевме мали, јас имав 2 години, мојот брат имаше 3. Не можам ни да се сетам на многу од тие моменти, бевме навистина мали, но подоцна дознавме детали за тоа.

Долго време ја криеја таа приказна од нас.

Како деца се прашувавме зошто имаме дома прослава секоја година на 18 април, што славиме, што славиме на тој ден, што е всушност на тој ден, бидејќи ни кажаа дека тоа е слава, но каква слава, сакаме да знаеме за што станува збор.

Претпоставувам дека чекаа малку да пораснеме за да разбереме што ќе ни кажат.

Не ги знам сите детали, но знам дека возеле од Скопје за Суботица. Тато бил на совозачкото место.

Во колата имало четворица - возачот пријател на тато, мама и жената на тој пријател.

Претпоставувам дека пријателот на тато заспал, не ги знам точните детали, но тато излетал од колата 20 метри. Тоа е она што ни го кажа мама.

После тоа, го одвеле во Нови Сад, мислам, сега не ме држете за збор. И таму тато бил прогласен за мртов.

Што се случи потоа, мајка ми не сакаше да ни ги каже баш сите детали, но ете, во мртовечницата се нашол некој вработен кој бил таму и слушнал дека некој е жив.

Оттогаш, неговиот живот се сврте наопаку, ама буквално“.

По ова и нивните животи се смениле многу.

„Тато беше во болница долго време. Неговото закрепнување траеше долго, многу долго.

Тој сè уште има шипка на левата нога од половина метар. Мислам, фала му на Бога што тоа е сè, што остана жив, што има внуци, својата среќа покрај себе, тоа е најважното од сè.

Да, неговиот живот дефинитивно се промени од тој ден, дефинитивно“, рекла Надица во емисијата.

А. Ј. | Црнобело