Никола Јокиќ плаче како дете од среќа - прескокнува ограда, трча да си го погали коњот кој победи на трка (видео)

Детали

четврток, 31 јули 2025

Јокиќ, кој е страстен љубител на коњи, не може да поверува дека негов коњ победил на најпознатата трка во Србија - расплакан, ја прескокнува оградата и трча по патеката на хиподромот за да го погали победникот и да им честита на тренерот и на џокејот кои му донесоа огромна радост.

Најдобриот играч во НБА, Никола Јокиќ, постојано истакнува дека кошарката му е само работа и делува дека сите во светот се воодушевени од неговите професионални успеси повеќе од него.

Тој не крие дека негова вистинска страст се коњите, па поседува ергела и неколку коњи кои се натпреваруваат на коњички трки.

Па, кога не е во Америка поради кошарката, тој е во родната Србија, каде што ужива со саканите, а најголемиот дел од времето го поминува покрај своите коњи.

Својата среќа што има шампионски грла во ергелата, Јокиќ ја покажа неодамна, кога неговиот коњ Demon Dell’Est, победи на касачката трка „Дужијаница“ во Суботица - за една од најреномираните коњички трки во регионот.

Јокиќ не можеше да ги задржи солзите и се расплака како дете откако неговиот коњ помина прв низ целта.

Тој прво стои со рацете преку лицето, не можејќи да поверува што се случува, а потоа ја прескокнува оградата и трча по патеката на хиподромот во Суботица за да му честита на тренерот, но и на џокејот кој му донесе огромна радост.

Погледнете го емотивното видео:

А. Ј. | Црнобело