„Би те одвела кај тебе дома“ – Обожавателка на Јаков Јозиновиќ флертува со него пред цела публика (видео)

Детали

четврток, 02 април 2026

„Дали имаш девојка?“ - го праша таа Јаков на микрофон, а тој рече: „Немам, и што ќе правиме сега? Каде би ме одвела на дејт?“, на што девојката одговори: „Би те одвела кај тебе дома“ - вирално се споделува забавно видео од концертот на Јаков, каде флертува со девојка од публика. 

Јаков Јозиновиќ во текот на својата турнеја, изминатиот период одржа повеќе концерти во Белград, a месецов ќе ја забавува и македонската публика со концерт во Скопје. 

Тој успеа да го наполни Сава центарот четирипати во само една недела, публиката го обожава, а имаше и повеќе гости од српската естрада со кои заедно ги изведуваше нивните хитови.

На секој концерт младиот Хрват има по нешто специфично и интересно, а на еден од концертите, посебен впечаток остави јавниот флерт на обожавателка.

На бината до него седи девојка, која со многу трема и солзи во очите, покажува дека носи маица со неговиот лик, a тој со својата харизма и шеги се обидува да ја опушти и ја прегрнува.

Јаков ја прашува зошто плаче, на што таа одговара „не знам“, а потоа ѝ го дава микрофонот за да го праша што ја интересира, на што таа без размислување вели: „Дали имаш девојка?“.

„Тоа би сакала да знаеш? Немам. И што ќе правиме сега? Каде би ме одвела ти мене ако би оделе на дејт?“ – одговара тој, додека целата публика вреска и се смее.

Нејзиниот одговор предизвика уште побурни реакции, кога му рече: „Јас би те одвела кај тебе дома“.

Видеото вирално се споделува на социјалните мрежи и нивниот забавен флерт стана хит.

Погледнете го видеото кое ги насмеа сите:

M. M. | Црнобело