Техничарка за нокти од Србија: „Исфрлив долгогодишна клиентка од салон - нејзината дрскост ја премина секоја граница“

Детали

вторник, 12 мај 2026

„Беше 1 Мај, јас не можев да одбијам клиентка ни за празник, затоа што веќе три години таа доаѓаше кај мене, а баш тогаш ѝ требаше термин... Но, нејзината дрскост ме извади од такт“, вели Селена Драча, техничарка за нокти, за најголемата нервоза со клиентка. Таа испраќа апел дека не секој клиент е добар клиент.

Селена Драча е техничарка за нокти од Србија, која држи и обуки.

Но, „занаетот“ таа го учела години и години низ разни ситуации.

Сега, на својот Инстаграм профил сподели ситуација со непочит и доцнење на клиентка, која најмногу ја извадила од кожа.

Селена вели:

„Исфрлив долгогодишна клиентка од салонот, eве што се случи...

Точно се сеќавам, беше 1 Мај 2023 година...

Јас, секако, не можев да одбијам клиентка ни за 1 Мај, затоа што веќе три години доаѓаше кај мене, а баш тогаш ѝ требаше термин...

Подготвив месо за скара и спакував сè што сопругот и децата треба да понесат во природа, каде што нè чекаа пријателите, за после терминот веднаш да тргнам кај нив.

Отидов во салонот да ја чекам, си сварив кафенце, пуштив музика и средував два гела што претходно ми се растуриле по фиоката.

Закажа нокти кај мене во десет часот, затоа што само тој термин ѝ одговарал...

10:10 — ја нема.
10:15 — сè уште ја нема...

Ѝ вртам на телефон, а таа ми вели: „Еве, тука сум.“

Како и секогаш, ајде добро... Но, како да ѝ кажам дека тоа не е во ред?

Не можам да ја одбијам, сепак ми е редовна клиентка... А моите пак се лути на мене што и денес работам...

Стигна околу 10:25, седна на столчето, ја чекаше веќе изладено кафе - ѝ направив по вкус какво што сака, но се олади, и ми вели:

„Е, је*ига, се успав. Ај свари ми ново кафе, не можам да пијам кога е толку изладено...“

Мене ми се стемни пред очи.

И токму ОВА беше моментот кога самата на себе си реков:
„Е НЕМА ПОВЕЌЕ ВАКА!“

Тогаш се случи нешто што никогаш во животот не очекував дека ќе го направам.

Станав и ѝ реков:

„Сега ќе го платиш овој термин, затоа што ми украде драгоцено време од моето семејство, и тоа за 1 Мај. И никогаш повеќе не се обидувај да закажеш кај мене. Излези веднаш од салонот!“

Таа ме гледа шокирано и ми вели дека сум арогантна и безобразна, како „wtf“, не го очекувала тоа од мене... А не го очекував ни јас.

Продолжува на следната страница...