Градимир од Србија: „Тешко е да си камионџија, особено на празници, но една случка во Минхен ме трогна“

Детали

четврток, 25 декември 2025

„Поздрав до сите колеги камионџии, сакам да споделам нешто убаво, да не биде дека само се жалиме на работата! Застанав на паркинг кај Минхен за дневен одмор и баш кога легнав, некој тропа на вратата...“, ја започнува својата приказна Градимир Воркапиќ од Нови Сад.

Градимир Воркапиќ од Нови Сад, Србија, работи како возач на камион низ Европа и членува во групата „Возачи на камиони“.

Токму таму тој сподели еден убав гест кој му се случил за време на католичкиот Бадник / Божиќ.

Градимир вели дека во групата возачите постојано се жалат, па тој сака да прошири позитивна енергија со случката од која бил дел.

Градимир раскажува:

„Поздрав до сите колеги! Еве да објавам нешто убаво, да не биде дека само се жалиме на работата.

Застанав на паркинг кај Минхен за дневен одмор и баш кога легнав, некој тропа на вратата.

Ја поместувам завесата, очекувајќи некаков проблем, и гледам двајца мажи од 40–50 години и едно момче од 7–8.

Викаат „Merry Christmas“, а момчето се протега за да ми подаде една кеса до прозорецот. Го отворам прозорецот, им се заблагодарувам и им посакувам среќен Божиќ, а срцето ми заигра од милина!

Во кесичката имаше лименка сок, јаболко, мандарина, нес-кафе и некои слатки.

Исклучително убав гест — на Бадник, по снег, одат од камион до камион и сакаат да им го разубават денот на оние што тој ден не се со своето семејство.

Навистина има прекрасни луѓе кои со мали знаци на внимание даваат до знаење дека го ценат тоа што го работиме и дека некому, кого никогаш не сме го запознале, му е грижа за нас.

Среќен Бадник и Божиќ на сите колеги што празнуваат, а особено на оние кои во моментов се во камион!“

С. С. | Црнобело