Кумот на Лепа Брена и Боба е милијардер, кој има 35 деца - Кој е најбогатиот Романец со прекар „Гроф Дракула“?

Исто така, тој е единствениот поранешен спортист кој се нашол на листата на светски милијардери и официјално најбогатиот Романец.

По завршувањето на спортската кариера останал во светот на тенисот како тренер и менаџер. Соработувал со големи имиња, меѓу кои и сопругот на Брена, некогашниот тенисер Боба Живојиновиќ.

Бил организатор на бројни турнири, промотор на тенисот и почесен член на Меѓународната тениска куќа на славните, додека шест години ја извршувал функцијата претседател на Романскиот олимписки комитет.

Брена и Боба и денес се блиски со Циријак, кој за свадбата им подарил еден од најскапите автомобили во тоа време, а во Белград пристигнал со приватен авион.

Бил гостин и на свадбата на синот на Боба, Филип Живојиновиќ, и Александра Пријовиќ.

Во мај 2014 година, за време на поплавите што ја зафатија Србија, тој донирал 100.000 евра за помош на загрозените и со тоа ја покажал својата хуманост на дело.

Романецот е познат по хуманоста, пред сè затоа што во родниот Брашов изградил населба во која сместил околу 300 напуштени деца, кои целосно ги издржува.

С. С. | Црнобело