Глуми од 16 години, раскина свршувачка - Која е Биран Дамла Јилмаз, турската убавица која ја освојува публиката?

Детали

четврток, 25 јуни 2026

На Инстаграм ја следат над 4 милиони луѓе со кои секојдневно споделува моменти од снимањата, но и од нејзиниот приватен живот. Никогаш не била во брак, но беше свршена со Абдурахман Ајдин, со кого неодамна ја раскина свршувачката.

Турските серии со години се најпопуларни кај македонската публика (но и во регионот), а актерите се стекнуваат со статус на вистински ѕвезди.

Но, меѓу бројните познати личности, повремено се појавува и по некој нов актер или актерка кои ја маѓепсуваат публиката.

А таква е токму Биран Дамла Јилмаз, која во серијата „Наследникот“ ја глуми комплексната и амбициозна Јилдиз Карадаш.

Што знаеме за Биран?

Родена во 1997 година во Истанбул, а покажала склоност кон уметноста уште од рана возраст.

Со поддршка на нејзините родители, многу рано почнала да ги развива своите таленти, а бидејќи нејзиното семејство е тесно поврзано со филмската индустрија, се запишала на конзерваториум каде што го усовршила својот актерски талент.

Првата улога ја добила на 16-годишна возраст.

Своето телевизиско деби го имала во 2014 година со мала улога во култната серија „Величествениот“, а потоа и во серијата „Јасак“.

Но, вистинскиот пробив го доби со улогата на Ејлул во хит серијата „Киргин Чичеклер“, која се емитуваше од 2015 до 2018 година. Оттогаш, нејзината кариера оди напред.

Биран сними бројни успешни проекти, а освен серии, снима и филмови. Со улогата со „Mucize 2: Aşk“, таа ги воодушеви филмските критичари.

Во серијата „Наследникот“, Биран игра девојка чија судбина е решена уште додека била во бебешка колевка - таа му е ветена како идна невеста на главниот лик Серхат (Илхан Шен), за со тој брак да се стави крај на долгогодишната крвна одмазда меѓу семејствата.

Биран има впечатливи зелени очи, што ја одвојува од голем број актерки во земјата.

На Инстаграм ја следат над 4 милиони луѓе, а таа со обожавателите секојдневно споделува моменти од снимањата, но и од нејзиниот приватен живот.

Никогаш не била во брак, но беше свршена со Абдурахман Ајдин.

Со него неодамна ја раскина свршувачката, но ни таа ни тој не ја открија причината.

Повеќе фотографии на следната страница...