„Ме распнаа што кажав дека сум заборавила дека сум била со Војаж“ – Бресквица се правда за изјавите за љубовното минато

Детали

недела, 05 јули 2026

„Цеца ме праша дали некогаш сум била со музичар и јас одговорив не, а кога таа ми рече А што е Војаж, јас реков 'Боже заборавив', но сега сакам да го разјаснам тоа“ - вели Бресквица во емисија кај Гоца Тржан и открива други приватни моменти од животот, дека се иселила од дома на 17 години, дека верува во брак и дека има направено тајно тетоважи во младоста кои сега ги отстранува. 

Ангела Игњатовиќ, позната како Бресквица, е српска пејачка, која во 2019-та кариерата ја започна заедно со српскиот трап пејач Voyage, со кого беше и во врска.

Многумина ги нарекуваа српските Џастин Бибер и Селена Гомез, имаа заеднички песни, но со оглед на тоа што не се долго време заедно, немаат речиси никаков однос.

Таа подоцна беше поврзувана со други момци, а последно се најде и среде скандал заради гласини за наводна афера со Лука Дончиќ.

Сепак, иако поминаа многу години од раскинувањето, многумина уште ја прашуваат за Војаж, а неодамна во гостување во емисија на Гоца Тржан, Бресквица одлучи да даде оправдување за нејзина постара изјава поврзана со поранешниот дечко.

Таа вели:

„Во емисија кај Цеца, првата по Беовизија всушност, имаше прашање дали некогаш си била со музичар, јас одговорив дека не сум била и потоа таа праша – А што е Војаж?

Јас реков Боже заборавив, но всушност, ете би го избришала тој момент што го кажав тоа. Точно е дека јас заборавив, но не во таа смисла.

Прашањето беше дали сум била со музичар, а кога мене ќе ми кажеш музичар, мене ми е во глава некој што свири инструмент.

Јас веднаш си помислив ок не сум била. Тој за мене е изведувач, артист...

Така што во овој момент ете би ја исправила таа изјава, затоа што луѓето ме осакатија, ме распнаа, а тотално никој не седна да размисли дека тој не е музичар“.

Станува збор за емисија од пред 2 години, а делот во кој Бресквица одговара на прашањето, погледнете го на видеото (1:50):

Сега во емисијата на Гоца, таа зборува и за првиот пат кога заработила, било на 15 години од шминкање и добила 1000 динари, но не може да се сети на што ги потрошила првите заработени пари.

За менувањето на имиџот, различните бои на коса и пирсинзи вели:

„Мајка ми не ми се лутеше, моите ме поддржуваа во сите мои замисли. Но, имам направено тетоважи за кои се каам и сега ги отстранувам.

Тоа беше околу 17 години, ги направив тајно. Искрено, за првиот пат, никој не знаеше до овој момент, нема да кажам што е тоа, но фала Богу може да се отстранат, иако е многу болен процес“.

Открива и други детали од приватниот живот, дека сака да се омажи, дека е старомодна во љубовта и верува во брак, но и дека се отселила од семејниот дом на 17 години.

Погледнете го гостувањето:

М. М. | Црнобело