„Се уморив од криењето на вишокот кожа и целулитот“ – хрватската ѕвезда Лана Јурчевиќ објави необработени фотки (фото)
- Детали
- петок, 06 август 2021
Загрепската музичарка и претприемачка Лана Јурчевиќ (36) е уморна од претставувањето во идеално светло: таа повеќе не сака да го крие вишокот кожа, целулитот и темните кругови под очите или пак да користи филтри и Фотошоп на своите фотографии – дури ни во козметичката кампања што ја произведува со своето момче Филип Кратофил.
Таа уште еднаш потврди дека е уморна од промовирањето на нереално совршени телесни пропорции на социјалните мрежи и гордо го истакна вишокот кожа на стомакот и надлактиците.
„Јас тука гледам еден сериозен проблем. А тоа е дека морам под итно да го потсредам станот. Друго ништо не мораме, освен доколку … сакаме“, им порача Лана на обожавателите, додека на „хејтерите“ им го покажа средниот прст.
Таа е една од познатите лица кои целосно стојат зад кампањата „body positivity“ чија цел е да си го сакаме телото и да се прифатиме онакви какви што сме.
За својот бренд La PIEL, Лана и нејзиното момче ангажирале многу природни жени кои се обединиле со слоганот „вистинската јас“, пишувајќи пораки со кои ќе ги охрабрат другите жени.
„Да бидам искрена, се уморив од потрагата по совршената слика која ќе ја објавам на друштвените мрежи. Сакале да признаеме или не, сите ние кои веќе ја имаме или сакаме да ја изградиме таа онлајн заедница си ги поставуваме истите прашања: имам ли доволно нови фотографии, дали се доволно добри, дали ќе им се допаднат на луѓето коишто ме следат… Леле, тука ми се гледаат подочниците, тука целулитот, тука фризурата не ми е доволна добра. Потоа ова нè носи до константни поправки. Верувам дека ова влијае на нас и на потсвеста“.
За популарниот хрватски магазин „Глорија“ Лана, освен што си ја отвори душата со искрените зборови, реши да се објават нејзините необработени и не фотошопирани фотки, со цел конечно да се прифатиме себеси, да престанеме да се срамиме и да сме во потрага по совршенство.
(О)Милена | Црнобело
Би можело да ве интересира:
Препорачуваме
Најчитани неделава
