Факти за легендарната Маја Оџаклиевска - се грижи за внукот со аутизам, доби национална пензија во Србија

Детали

петок, 11 февруари 2022

Со години се грижи за внукот со аутизам, а сега доби и национална пензија во Србија. Што прави пејачката Маја Оџаклиевска?

Фото: Facebook - Маја Оџаклиевска

Пејачката Маја Оџаклиевска (67) е во фокусот на јавноста во српските медиуми, откако тамошната влада одлучи да ѝ додели национална пензија за врвен придонес во националната култура.

Според оваа одлука пејачката за својот долгогодишен придонес во изградбата и развојот на културата ќе добива пензија од 60.000 српски динари или околу 500 евра.

„Среќна сум и малку еуфорична. Тоа значи дека не ја работев залудно својата работа и тоа го правев на добар начин. Сметам дека ова е престижно признание и им се восхитувам на сите што го добиле.

Се надевам дека нема да има луѓе што се незадоволни со оваа одлука. Ние уметниците се трудевме секогаш Србија да ја претставиме на вистински начин пред светот“ – изјави Маја за kurir.rs.

Во продолжение неколку интересни факти за Маја што можеби не сте ги знаеле:

Маја Оџаклиевска е родена во 1954-та година во Скопје. Кариерата ја започнала на 15 години кога за првпат се пријавила на аудиција за Радио Скопје. Во 1970-та година се преселила во Белград.

На покана на Радослав Грајиќ учествува во радио емисијата „Максиметар“, каде победила, добила епизодна улога во претставата „Рабле“ на Жан Луј Баро.

Таа е добро позната како на македонската, така и на српската музичка сцена, а пеела песни и на македонски и на српски јазик.

Во приватниот живот Маја е мајка на две возрасни ќерки, Теа и Андреа, а тие често додека растеле ја следеле на настапите.

Уште 4 факти на следната страна...