„Кралица на Фотошоп“ - Која е бугарската пејачка Гери-Никол што направи дует со Слаткар?

Детали

недела, 27 февруари 2022

Направи дует со Слаткар во 2020-та година, а се знае дека била во врска само со едно момче кое наводно ја изневерило. Која е атрактивната бугарска пејачка Гери-Никол?

Бугарската пејачка Гери-Никол (23) важи за една од најпознатите поп-пејачки на бугарската музичка сцена. Таа неколку години по ред е добитник на наградата „Пејач на годината“ на бугарските хип-хоп награди 359 Hip-Hop Awards.

Таа исто така ја добила и наградата „модна икона“ заради екстравагантниот моден стил и влијанието што го има врз младата публика.

Македонската публика имаше можност да се запознае со Гери-Никол по дуетот што таа го направи со Слаткар „Гледај ме“ во 2020-та година.

Таа во Бугарија е позната и по тоа што објавува по неколку хитови во текот на годината, а е една од омилените поп-ѕвезди на младата публика.

Во продолжение проследете неколку интересни факти што можеби не сте ги знаеле за Гери-Никол:

Гери-Никол Николаева е родена во 1998-ма година во Варна. Уште од мала почнала да оди на часови по танц и балет. Била првата што завршила во паралелката за „поп и џез пеење“ во основното училиште „Добри Христов“ во Варна.

Во 2014-та година, на возраст од само 16 години Гери-Никол и официјално ја започнува сопствената соло кариера со учеството во бугарскиот X-Factor.

Во 2015-та година Гери-Никол заедно со раперот и продуцент Криско го прават хитот „Ела и си вземи“ кој важи за еден од најголемите хитови во бугарската музика, со најголем број прегледи на YouTube.

Гери-Никол редовно објавува свои фотографии на Инстаграм, а често се случува да биде мета на критики и дека користи премногу Фотошоп на фотографиите.

Таа обично се труди својот приватен живот да го чува подалеку од очите на јавноста, а се знае дека подолго време беше во врска со ММА борачот Дани Илиев.

Тие еден период беа најпопуларниот пар во Бугарија, сѐ до 2020-та година кога се разделија. Според шпекулациите во медиумите Дани, наводно ја оставил Гери заради друга девојка, која била инструкторка по Муаи Таи и со која редовно заедно вежбале.

Гери редовно објавува провокативни фотографии на својот Инстаграм профил. На следната страна погледнете дел од нив...