Спектакуларно отворање на Пељешкиот мост во Хрватска – тежи колку 30 Ајфелови кули, спојува два дела на земјата (фото+видео)
- Детали
- среда, 27 јули 2022
Се градеше 4 години, целата конструкција над и под вода тежи колку 30 Ајфелови кули, изгледа грандиозно и светски - свечено и спектакуларно е отворен Пељешкиот мост во Хрватска кој спојува два дела од земјата.
фото 1 / фото 2 / фото 3 / фото 4
Ако претходно патувањето во правец Сплит-Дубровник подразбираше минување низ Неум, единствениот град во Босна и Херцеговина кој излегува на Јадранско Море, а со тоа и поминување низ два гранични премина, тоа сега нема да биде потребно.
Пељешкиот мост, кој ги спојува најјужниот дел на Хрватска со остатокот од земјата, е еден од најголемите проекти на Европска Унија, кој се градеше 4 години, а официјално е отворен на 26 јули 2022.
Мостот изгледа величествено и светски, долг е 2.4 километри, висок е 55 метри, а широк 23.6 метри.
За неговата изградба, која започна во 2018-та година, биле потребни околу 70.000 тони челик, исто толку бетон и 19.000 тони арматури, а целата конструкција под и над вода, според хрватските медиуми, тежи колку 30 Ајфелови кули.
Отворањето на мостот е од посебно и историско значење за Хрватите, кои се гордеат на овој проект, а беше отворен спектакуларно, со огномет, ѕвона, хрватските воздушни сили и факли од приватни чамци во морето, како и манифестации и активности во организација на државата, во текот на целиот ден.
Првиот автомобил кој помина низ мостот беше целосно електрична, спортска Nevera, модел на хрватскиот автомобилски производител Rimac Automobili.
Погледнете повеќе фотки и видеа од отворањето на мостот:
М. М. | Црнобело
Би можело да ве интересира:
Препорачуваме
Најчитани неделава
