Емине Ердоган, сопругата на турскиот претседател - ја обвинуваат дека е зависник од луксуз, таа му е десна рака

Во 2016-тата година британскиот весник Daily Mail објави статија во која Емине ја нарече „шопингхоличарка“, која е зависна од купување луксузна облека и скапи антички предмети.

„Во една прилика цел трговски центар во Брисел беше затворен за таа може да купи дизајнерски парчиња облека, а за време на официјалната посета на нејзиниот сопруг на Варшава во Полска потроши околу 40.000 евра на пазарот за ракотворби“ – пишува весникот.

Најверојатно големиот број предмети ќе се најдат во палатата, позната и како „Бела палата“, што Ердоган ја изгради за нив на периферијата на Анкара, за која се потрошени над 600.000 евра за изградба.

Палатата има стотици соби, а голем број од нив се прекриени со свилени тапети за вратите низ целата палата. Голем број од материјалите користени за изградбата беа увезувани од Обединетото Кралство, Франција и Италија.

Дури и дрвјата што се засадени околу градбата се донесени од Италија и Холандија.

Голем број од критичарите на претседателот коментираа за големите трошоци за изградбата на палатата, но Ердоган појасни дека таа градба треба да ја претставува турската држава и затоа не треба да се штеди на изградбата.

Засега нема точни податоци со колкаво богатство располагаат турскиот претседател и неговата сопруга, но сигурно е дека тие се далеку од скромно семејство.

Б. С. Б. | Црнобело