Хуман Хрват погина во Украина помагајќи им на ранетите, еден ден пред да тргне во родната земја

Детали

петок, 16 септември 2022

Само со вакви хумани луѓе светот може да биде, барем за нијанса, подобро место за живот. И хероите од реалноста навистина заслужуваат да ги славиме.

Андро Фабијаниќ (29) од Загреб, кој отиде во Украина за да им помага на ранетите и на украинските семејства погодени од војната, загина при експлозија на мина и тоа додека им доставувал храна на загрозените.

Трагично загубен млад живот кој е уште еден доказ за ужасот на војната.

Тој имал купено карта за да се врати дома во Хрватска, само еден ден подоцна.

Андро, кој има работено како персонален тренер, помагал во евакуација на семејства, доставувал храна на војската и по социјалните мрежи за него познаниците и пријателите пишуваат:

„Твоето срце и храброст ќе живеат во нашите сеќавања. Го даде животот за да спасиш многумина, збогум Андро“.  

Во време кога полека како да подзабораваме дека таму некаде се води војна и лица секојдневно го губат својот живот, треба да ги славиме хероите кои се жртвуваат во име на другите.

Само со вакви хумани луѓе светот може да биде, барем за нијанса, подобро место за живот.

С. С. | Црнобело