Бајковитиот дом на Ана Ивановиќ во живописно австриско село - раскош од 400m2 (фото)

Детали

четврток, 27 октомври 2022

Големите и загадени градови ги заменија со живописно селце со само 3.500 жители на сончева висорамнина, среде планини... Совршено место за семеен живот, зарем не?

Tенисерката Ана Ивановиќ и нејзиниот сопруг фудбалерот Бастијан Швајнштајгер се повлекоа од професионалните спортски кариери и својот семеен мир го пронајдоа во живописното австриско селце Вестендорф.

Местото е сместено меѓу планини на сончева високорамнина и фотографиите оттаму се како разгледници.

Има само 3.500 жители, но е атрактивна туристичка дестинација – зимно време за скијање, а летно време за прошетки и пешачење.

Ана и Бастијан одлучија своите синови Лука и Леон, наместо во огромниот и загаден Чикаго, да ги растат на ова бајковито место.

Живеат во луксузна вила од 400m2 со многу зеленило, тениски и фудбалски терен.

Во ентериерот на нивниот дом преовладуваат светлите тонови и сè е хармонично уредено.

Со златната боја е додадена доза на гламур.

Има и совршена кујна, но и теретана во која Ана интензивно работи на одржување на својата форма.

Во домот на Ана Ивановиќ:

С. С. | Црнобело