„Се вљубив во сопругот на насловна страница, не му се допаѓа тоа што јас го готвам“ - Лепа Брена открива детали од брачниот живот (видео)

Детали

среда, 14 декември 2022

„Кога сме дома, јас не сум Лепа Брена, а тој не е светски познат тенисер. Јас сум домаќинка, мајка, иако, не сакам да работам некои домашни работи“ – открива познатата фолк пејачка. Таа говореше за тоа како го запознала сопругот, за бракот, но и за она што ѝ го предвидела Баба Ванѓа.

Балканската фолк дива Лепа Брена гостуваше во емисијата „Амиџи Шоу“ каде откри повеќе детали за тоа како го запознала својот сопруг Слободан Боба Живојиновиќ, кој во тој период бил мошне познат југословенски тенисер.

Лепа Брена откри како се запознала со нејзиниот сопруг, која е тајната за нивниот среќен брак, но и досега непознати детали од нивната свадба.

„Кога патував многу, мене ми приоѓаа познати и успешни луѓе што тогаш беа значајни во Југославија. Остварените луѓе немаат проблем да ве поздрават.

Кога го видов Боба на насловната страна на весник посакав да го запознам и да го поздравам.

Ние првпат се сретнавме на премиерата на филмот Hajde da se volimo, и тогаш, сега покојниот Бата Живојиновиќ ми рече:

‘Што правиш на промоцијата, знаеш ли кој е таму? Ете, таму стои Слободан Боба Живојиновиќ оди таму и поздрави се’ и јас низ целата толпа истрчав до него и му реков: ‘Па добро, што чекаше до сега’ и отидов таму и го бакнав“ – раскажува таа.

Познатата пејачка открива дека нивната врска се одвивала мошне брзо, а луѓето ја предупредувале да внимава на него затоа што тој е познат заводник.

Но, таа не сакала да верува на гласините затоа што знаела дека тие двајцата како успешни луѓе немаат премногу време за авантури како што за нив пишувало во таблоидите.

Брена коментираше и за свадбата, па откри дека целата свадба ја организирал нејзиниот сопруг, а имале пријатели од целиот свет: Австралија, САД, Канада, а гостите ги служеле со кавијар и шампањ од Холандија.

„Јас имав некое мое омилено вино, еден Матеус што го потпивнував. Се сеќавам дека тој тогаш нарача 300 литри од тоа вино за нашите 650 гости.

Во првите 45 минути се испија сите 300 шишиња од тоа вино, а јас воопшто не стигнав ниту да се напијам.

По свадбата почнаа да ни кркорат цревата. Дури потоа нарачавме појадок за да јадеме првпат“ – раскажува таа.

Продолжува на следната страна...