Србинка (21) со исповед од болница: „Не, не сум луда што се снимам болна - тоа е реалноста и нејзината вистинска убавина“

Детали

сабота, 18 февруари 2023

„Оној миг кога го објавив првото видео каде плачам, каде се гушам во сопствените солзи и во сопствената болест, јас се почувствував искрено и среќно. Во миговите кога ќе ме видите мене вака ранлива, јас сум победник...“, споделува Мина Јуларџија (21), која боледува од цистична фиброза.

Мина Јуларџија е прекрасна 21-годишна девојка од Лесковац, која отворено говори за својата болест цистична фиброза. Таа е борец, инспирација, полна е со љубов кон животот и е вистински идол за многумина.

Таа не се плаши да се прикаже на Инстаграм во реално светло, и болна и ранлива и кршлива, нешто за кое ретко кој има храброст во денешно време.

Мина не се плаши отворено да говори за болеста и да охрабри и други.

Вели дека многумина ја прашуваат зошто снима видеа од своите престои во болница, а таа со емотивна исповед им ја откри вистинската причина.

Мина Јуларџија во видеото вели:

„Да луѓе, јас направив нешто неочекувано. Се снимив себеси болна и на работ од животот и тоа го прикачив на социјалните мрежи.

Зарем социјалните мрежи не се место каде ние бегаме од реалноста? И се обидуваме да ги сокриеме сите свои сенки...

Дали оваа девојка е луда што се снима болна?

Не, таа девојка не е луда. Таа девојка, односно јас, е жедна за реалноста и нејзината вистинска убавина.

Апсурдно е да се снима како некој е болен, затоа што тоа не се гледа често и со самото тоа се нарекува „ненормално“, но други работи кои се далеку погрди и лажни се сметаат за нормални затоа што сме се навикнале на нив и самите ги пласираме на социјалните мрежи.

Но луѓе, тоа не е живот, тоа е илузија на живот!

Оној миг кога го земав својот телефон во раце и кога со вам јавно, на сите социјални мрежи, го споделив својот проблем, ја споделив својата смртоносна болест и својата ранливост – дури тогаш се почувствував подобро.

Продолжува на следната страна...