„Не сум видела сонце 20 години“ – Јелена Розга (48) откри тајни за младоликиот изглед и што прави за секогаш да блеска

Детали

четврток, 04 јуни 2026

„Многу се негувам. Не сум легнала никогаш со шминка, колку и да сум изморена по концерт. Не се сончам. Има ли поубаво од сјајно лице со помалку шминка? А, најубаво ми е кај мама и тато, со нив на ручек, кога мајка ми се однесува како да сум мала“ – вели Јелена Розга и открива како изгледа толку младолико на прагот од 50-тата година.

Хрватската пејачка Јелена Розга секогаш изгледа совршено – средена, стилска и дотерана во секоја пригода, со блескаво лице и широка насмевка.

Таа многу внимава на својот изглед, одржува фит фигура, но многу е посветена и на нега на лице, дури и како што вели, опседната со рутини за кожа.

Неодамна пејачката гостуваше во емисијата SHOWtime на Happy FM, каде зборуваше за кариерата, приватниот живот, здравствените проблеми, но и за убавината.

„Од првата своја заработка, од првиот концерт, не купив ни чевли, ни фустан, туку купив козметички кремови.

Никогаш не ми се случило од умор да не ја избришам шминката, ни по концерт. Нема шанси. И да сум најизморена, нема оправдување.

Негата е секој ден, нема прескокнување. Јас во 20-тите години одев веќе на некакви третмани, избегнував сонце.

Јас не знам кога последно сум се сончала, не сум видела сонце 15-20 години. Сè што е премногу, на мене не ми е убаво.

Има ли нешто поубаво од негувана, сјајна кожа, со што помалку шминка? Страшно многу се негувам, многу се грижам за себе“ – вели Розга за негата.

@ivosaric

Jelena Rozga u emisiji SHOWtime o njezi kože | Cijeli intervju na YT kanalu #HappyFM #SHOWtime #JelenaRozga #skincare #fyp

♬ izvorni zvuk - Ivo Šarić

Јелена низ годините отворено има зборувано и за проблемите со тироидната жлезда, а сега повторно раскажа дека во слободното време се труди што е можно повеќе да се одмара, затоа што ѝ е потребен мир заради здравјето.

„Го тргам телефонот подалеку од себе, барем на 2 часа, да имам свој мир. Не затоа што нешто ми е тешко, туку морам за здравјето.

Не кријам дека имам проблеми, отворено зборувам за проблемите со тироидната, пијам таблети за срце, од неодамна и нова терапијам имам.

Така што, морам за себе да се тргнам и да го одмарам телото и главата. Најубаво ми е кај моите дома, на ручек со мајка ми и татко ми.

Мама прави најубави палачинки, а колку и да имам години, таа со мене се однесува како да сум мала Јелена“.

@ivosaric

Jelena Rozga u emisiji SHOWtime o zdravlju i odmoru #HappyFM #SHOWtime #JelenaRozga

♬ izvorni zvuk - Ivo Šarić

М. М. | Црнобело