Симона Поповска го прослави 31-иот роденден во бело, со двата сина во раце: „Првпат славам со две прекрасни момчиња покрај мене“

Детали

среда, 29 март 2023

„Благословена сум што го славам мојот прв роденден со овие две прекрасни момчиња покрај мене“ – напиша Симона Поповска на прекрасните фотки на кои дува свеќички на торта, облечена во бело, со двата сина во раце.

По минатогодишната раскошна прослава за нејзиниот роденден, овојпат, пејачката и докторка Симона Поповска прослави во интимна атмосфера, со нејзиното најголемо богатство, синовите.

Симона не е многу активна со објавување на приватни фотки на Инстаграм, но секогаш им дозволува на фановите да ѕирнат во значајните семејни моменти како трудничка фотосесија, крштевка и прослави за родендени.

По повод 31-иот роденден, таа објави фотки на кои дува свеќички на уникатна розова торта, додека ги држи синовите во раце и блеска од среќа.

„Се чувствувам неверојатно благословено што го славам мојот прв роденден не со едно, туку со две мали, прекрасни момчиња покрај мене.

Секој момент со нив е скапоцен подарок и сум благодарна за љубовта и радоста што ми ја носат во животот.

За уште една година исполнета со незаборавни заеднички спомени“ - напиша во објавата. 

Инаку, Симона првиот син го доби во 2021, а второто синче се роди во 2022 година и оттогаш таа ужива во улогата на мајка. 

М. М. | Црнобело