Давид Темелков со нови свадбени фотки и порака до својата сопруга: „Ти беше тука и кога многумина би си откажале“

Детали

среда, 14 јуни 2023

„Низ порази и победи, низ милости и немилости, еве нè, пред Бога рековме „да“! Беше тука и кога многумина би се откажале, но ти не, тука си...“ – пејачот Давид Темелков ги објави официјални фотографии од свадбата со хрватската водителка Елена Јунг и ѝ посвети емотивна објава.

Минатиот викенд (10/11.06), нашиот пејач Давид Темелков стапи во брак со хрватската водителка Елена Јунг, со која е во врска од 2015-та година.

Неколку дена подоцна Давид ги објави првите официјални фотографии од свадбата, а до нив на македонски и на хрватски јазик упати емотивна порака до својата сакана:

„Од денес љубовта го носи твоето име...

Низ порази и победи, низ милости и немилости, еве нè, пред Бога рековме „да“!

Малата водњанка и лудиот скопјанец, оган и вода велат нè оди, се додека не нè видат.

Да ти кажам „Фала за сè“, малку е.

Беше тука и кога многумина би се откажале, но ти не, тука си...

Кога ќе се навратам наназад, многу поминавме и не ми е сеедно додека го пишувам ова... Животот пишува чудни приказни, па и оваа нашава ја пишува со некој чуден ракопис.. Нека пишува, ние ќе читаме.. Засекогаш.“

Давид и Елена стапија брак во црквата „Света Богородица во Скопје, а за време на забавата присутните ги забавуваа Анета и групата „Молика“.

Фото-студиото задолжено за овековечување на свадбата објави видео на својот Инстаграм профил, каде се доловени некои од највпечатливите моменти, а исто така видео е објавено и на официјалниот Инстаграм профил на ресторанот каде што се одржала свадбата.

Погледнете ги видеата во продолжение:

Б. С. Б. | Црнобело