Се ожени Виктор Апостоловски – Со олдтајмер и црвени рози отиде по саканата, а за CRNOBELO откри детали за свадбата

Детали

сабота, 17 јуни 2023

„Еднаш се женам“, вели за CRNOBELO.com пејачот Виктор Апостоловски, кој денес во Битола прави голема свадба со својата девојка Милена Доневска.

Пејачот Виктор Апостоловски денес (17.06) се ожени со својата долгогодишна девојка Милена Доневска. Свадбата со многу адети е во Битола, од каде што потекнуваат и двајцата.

Свадбата почна уште рано утрово во домот на Виктор, а тој потоа тргна по невестата со многу роднини и пријатели, во црвен олдтајмер со порака „Штотуку венчани“.

Дотеран во црн костум, со шешир и црвена вратоврска, Виктор за Милена носеше букет со 9 црвени рози.

Таа, пак, за свадбата избра широка венчаница во стилот на балските фустани, без прерамки, со циркони и тул.

Еден ден пред свадбата, Виктор за CRNOBELO.com рече дека е многу возбуден. „Еднаш се женам“, вели тој и ни откри неколку детали за венчавката со Милена.

„Имам два костума за на свадбата, за преку ден и за вечерта, а ги купив во бутик во Прилеп. Ќе ги направиме сите адети, одење по невеста, па во црква.

Продолжува на следната страница...