Миа Костова - смртта на баба ѝ, Агнеса Органџиева - злобните коментари за разводот: Што ги повредило најмногу познатите?

Детали

вторник, 17 октомври 2023

„Најсилно допре до мене смртта на баба ми пред неколку години. И бев свесна дека не ја гледав доволно, а толку многу нè бараше и мене и Андрија. Ама, некако живеев со идејата дека баба Љубица ќе биде вечно жива. Многу ме повреди нејзината смрт, до ден денес не сум ја надминала“, вели Миа Костова.

Инфлуенсерките Миа Костова и Агнеса Органџиева, музичарите Бени Шаќири, Ивона Јо и Даниел Данн, но и новинарите Ване Маркоски и Зоки Фаци ни открија што ги повредило најмногу во животот.

Едни велат тоа биле лажните пријатели, луѓе во нивната околина, но и злобни коментари од луѓето што не ги знаат. Други, пак, најмногу ги повредила загубата на некој близок.

За тоа што ги повредило најмногу, како го надминале тешкиот период, но и кој им бил најголема поддршка кога им било најтешко, раскажаа за CRNOBELO.com:

Миа Костова

Најсилно допре до мене смртта на баба ми пред неколку години. И свесна бев дека не ја гледав доволно, а толку многу нè бараше и мене и Андрија. Ама, некако живеев со идејата дека баба Љубица ќе биде вечно жива.

Многу ме повреди нејзината смрт, до ден денес не сум ја надминала и сакам да верувам дека не е така.

Поддршка имам секогаш од најблиските, но често знам да си се расплачам и неколку години подоцна.

Луѓе и ситуации тешко ме повредуваат. Можеби затоа што од многу млада функционирам со многу луѓе, па некако не ме изненадуваат ничии реакции и потези.

Бени Шаќири

Не можам да се „пофалам“ дека сум бил многу повреден во животот.

Се разбира, дека има одредени удари, и ги прима човек од време на време од страна. Но, прво зависи од кого се, а потоа зависи колку е човек жилав и колку може да се носи со тие удари. Во овие години не можеш многу да ме изненадиш со некој удар, па за што сака нека се работи.

Имало низ годините некои работи, но не толку силни за да се сеќавам на нив.

Но, секогаш е тоа од некој близок човек. Само блискиот може да ти нанесе удар.

Оние што ги држиш по страна, на дистанца и со кои имаш изградено однос со некаква бариера, тие не можат да ти пријдат, ниту да те повредат.

Се чувствувам на некој начин и привилегиран затоа што немам доживеано некој голем удар, без разлика дали се работи за поранешна љубов или поранешен другар.

Ивона Јо

Најмногу ме повреди тоа што не си верував самата на себе дека можам многу порано да ја работам работата за којашто сум создадена.

Што верував дека од музика живеат само оние кои имаат многу контакти и конекции. Што не ѝ верував доволно на музиката уште од мала - кога се појави во мене од нигде-никаде.

Како го надминав тој период? Работев на себе затоа што чувствував дека не ја живеам својата вистина и дека треба да ја откријам за да не ја мачам сè повеќе мојата душа.

Имав многу соочувања, многу предизвици, многу откажувања, за да на крајот дојдам до моментот каде што дишам и го уживам своето постоење.

Најголема поддршка цел мој живот се мајка ми, баба ми, татко ми, а во новиот живот - Тамара.

Уште 4 познати личности на следната страница...