„Броиме чекори и калории, зависни сме од нотификации за попусти“ - Македонка алармира во какви кафези живееме

Детали

среда, 07 јануари 2026

„Колку чекори направи денес? Дали си го закажа следниот термин за нокти точно за 4 недели од сега? Дали си стави потсетник за новиот попуст од Зара?“

Ирина Атанаскова од Кавадарци, преку Инстаграм профилот @inna_nameless испрати реална порака која освестува.

Таа наброи дваесетина работи кои ни се секојдневие (барем на голем број луѓе), а кои се како невидливи кафези во коишто живееме.

Нејзината порака гласи:

„Алка што мери пулс.

Телефон што мери screen time.

Саат што мери колку брзо трчаш.

Апликација што брои калории.

Слика што брои лајкови.

Видео со бројки за views.

Прстен што мери колку си спиел.

Face recognition.

Algorithm.

Дали запиша колку чаши вода си испил денес?

Колку чекори направи денес?

Колку протеин внесе?

Дали си го закажа следниот термин за нокти точно за 4 недели од сега?

Дали си стави reminder за новиот попуст од Зара?

Дали си зема нов комплет за вежбање, или подобро да не одиш денес дека ја немаш правилната опрема…

Сѐ ова е преважно, и ништо не е важно.

Нашите кафези“.

А. Ј. | Црнобело