„Тоше, те сакаме“ - Македонците со емотивни објави за Тоше Проески, 17 години откако го изгубивме

Детали

среда, 16 октомври 2024

Во редакција на една македонска радио станица цел ден слушаме песни од Тоше Проески и се ежам... Миа Костова, пак, на овој тажен ден вели: „Јас сум една од оние кои не слушаат негови песни и менувам радио станица ако го слушнам. Едноставно немам сила за неговиот глас и никогаш не се помирив дека замина“. Тоше, непребол си ѝ на цела Македонија!

Денес (16.10) е тажен ден и ќе ми биде тажен до крајот на животот.

Секогаш ќе ме потсетува каков ангел изгуби Македонија... Но, и ќе ми прави убаво на срцето мислата дека некогаш воопшто го имавме.

Во редакција слушаме радио станица на која одат песните на Тоше една по друга. И вака сакам да слушам песни од него постојано, секој ден од годината.

И не само јас, денес цела Македонија има тага на душата, денес се сеќаваме што изгубивме пред 17 години.

Емотивните објави за Тоше Проески на социјалните мрежи:

Бомбакис, дечкото со картони

„17 години не може никој да те замени“

Марија, нашата мини модна инфлуенсерка „Прилепското чупе“

„Тоше, те сакаме“

Игор Џамбазов и Слободанка Тренчева - Боте

„И после 17 години исто тажно, болно“, напиша Слободанка и го сподели говорот на Игор Џамбазов за Тоше, онаков каков што само тој умее да одржи.

Тажна беседа на Игор Џамбазов за Тоше Проески: „Плачевме многу, плачеме сè уште (има и за кого да плачеме). Сигурен сум дека и ти плачеш во овој момент и сакаш да си барем две минути со нас“.

Роберт Билбилов

„Убав ден беше тоа, јас и Тоше како 'Најмомче на годината' за списанието 'Таа'“.

Весна Петрушевска сподели видео од последното интервју со Тоше, објавено на фан страница за него

Ина Многу Фина, твитерџика

„17 години. Ќе одбележам со овој настап, бескрајно емотивен и можеби најубавата изведба на песнава“.

Mиа Костова

„Јас сум една од оние кои не слушаат негови песни и менувам радио станица ако го слушнам. Едноставно немам сила за неговиот глас и никогаш не се помирив дека замина“.

С. С. | Црнобело