Викторија Лоба: „Луѓето кои прават булинг со лоши коментари се навистина несреќни личности“

Детали

понеделник, 28 октомври 2024

„Јас сум комплетно среќна и исполнета личност и не би ми дошло никогаш на памет за кој било нешто да искоментирам, значи дури и да не ми се допадне“, вели Викторија Лоба во гостувањето во емисијата „Низ град со Кики“.

Младата и талентирана пејачка и актерка Кики Мукаетова стартуваше со своја ТВ емисија, која го носи името „Низ град со Кики“, а во првата епизода гостинка ѝ е Викторија Лоба.

Емисијата е позитивна, забавна и со тинејџерска нота, токму таква каква што ни недостигаше во етерот.

Кики планира да ни ја претстави убавата страна на Скопје, а во првата епизода Лоба вели дека иако не е родена во Скопје, буквално го чувствува Скопје како свој град.

фото: Инстаграм Кики Мукаетова

Емисијата премиерно ќе се емитува еднаш неделно на МРТ1, секоја сабота во 19 часот, а ќе ја има и на каналите на социјалните мрежи.

Во ова гостување, Кики ја прашува Лоба: „Луѓето те доживуваат како пејачка, инфлуенсерка и јавна личност, дали го доживуваш тоа како некаков товар?’

На ова Лоба вели:

„Не, но да нагласам со тоа ‘инфлуенсерство’ што го нарекуваме и таа влијателност доаѓа и некаква одговорност, која сметам дека треба да ја имаат инфлуенсерите, воопшто во целиот свет.

Плус, особено затоа што млади девојчиња нас нè следат и треба да сме пример“.

На тема како се справува со негативните коментари, Лоба вели:

„Јас сум комплетно среќна и исполнета личност и не би ми дошло никогаш на памет за кој било нешто да искоментирам, значи дури и да не ми се допадне внатрешно, сметам дека не е во ред да се коментира.

Личностите коишто го прават тој булинг се навистина несреќни личности и можам да кажам дека ми е жал што го живеат тој начин на живот.

Сите коментари немаат врска со личноста за која се коментира, туку тоа е перцепција на тој што коментира.

Тоа е толку деликатна работа што мене овој пијалак (мача) може да ми е катастрофа, а тебе да ти е омилен. Сето тоа е перцепција на тој што коментира.

Јас имам една убава изрека за тоа: ‘Јас не се занимавам со мислењата на другите луѓе’“.

Исто така, Викторија нагласува:

„Инстаграм сликата никогаш не е вистинската слика.

Секако, дека јас сликам стотина фотографии, додека излезам најубава, значи и таа една од тие стотина и за таа ќе си размислам дали да ја пуштам во јавност“.

Погледнете ја целата емисија:

С. С. | Црнобело