Александар Јосифовски се разведе по 8 години брак: „Одлуката не беше лесна“

Детали

четврток, 03 април 2025

„Се обидовме да средиме некои работи, но, едноставно, не одеше. Уживав во нашиот брак, а на Теодора ѝ ја посакувам целата среќа, бидејќи ја заслужува“ - вели рок-пејачот кој ја запроси поранешната сопруга по само неколку дена познанство, а се прослави кога во 2022-ра заврши на второто место во „Ѕвездите на Гранд“.

Рок-пејачот Александар Јосифовски, кој се прослави во регионот со учеството во шоуто „Ѕвездите на Гранд“, по 8 години брак се разведе од сопругата Теодора.

Иако Теодора постојано го бодреше додека се натпреваруваше во музичкото шоу, тие ретко објавуваа заеднички фотографии на социјалните мрежи (најчесто си честитаа роденден преку Инстаграм Стори) и не се појавуваа често заедно во јавноста.

И покрај тоа, Александар знаеше да истакне дека нејзината љубов и поддршка му биле најзначајни во изминатите години, особено кога се лекуваше од зависноста од алкохол.

Веста за разводот Јосифовски ја потврди за „Гранд“. Тој рече:

„Вистина е дека решивме да се разведеме и секој да продолжи со својот живот.

Тоа се тешки одлуки кои не се носат преку ноќ. Уживав во нашиот брак, а на Теодора ѝ ја посакувам целата среќа, бидејќи ја заслужува“.

Пејачот додал и дека причината за разводот не е неверство, ниту љубомора.

„Се обидовме да средиме некои работи, но, едноставно, не одеше. Не се во прашање ни љубомора ни неверство.

Ѝ благодарам што беше покрај мене во најтешките моменти во животот, тоа нема никогаш да го заборавам“ - додал Александар.

Во едно свое гостување во „Гранд“, пред околу една година, Јосифовски откри дека со сопругата се запознале во Охрид и дека за него тоа била љубов на прв поглед.

„Во друштвото имаше повеќе девојки, но Теодора се издвојуваше од сите нив.

По неколку дена ми беше роденден, сакав да го одбележам на посебен начин и тогаш ја запросив. Рече ‘да’, можеби и од трема, но ете, остана со мене“ - кажа тогаш пејачот.

За потсетување, Александар заврши на второто место во „Ѕвездите на Гранд“ во 2022 година.

Негов ментор беше Ѓорѓе Давид.

По ова, тој постојано настапува со Давид на неговите концерти низ регионот, а двапати беше и на американска турнеја, првиот пат како предгрупа на Лепа Брена, а потоа организаторите на концерти од САД го поканија и сам да настапува пред иселениците.

Прочитајте и На гости кај пејачот Александар Јосифовски: Куќа во Охрид со пијано, камин од цигли и аристократски детали (фото)

А. Ј. | Црнобелo