Мала хероина! Ќерката на Христина Пан ѕвонеше силно на победничкото ѕвонче на Детската клиника и си замина дома

Детали

среда, 18 јуни 2025

„Господе фала ти! Сите деца од тука да излезат вака и дај Боже ниту едно дете да не треба да влезе на овие врати“, напиша Христина, чија ќерка (3) по две години борба со Neuroblastoma Metastaticum, ја победи болеста.

Христина Младенов, позната ако Христина Пан на Инстаграм, е мајка на три девојчиња, близначките Тара и Хана и помалата Калија.

Христина и нејзиниот сопруг Петар, откако поминаа неколку години во борбата со неплодност и во јули 2022-ра добија близнаци, брзо пред првиот роденден на девојчињата дознаа дека Тара е болна и дека мора да прима хемотерапија.

На Тара ѝ беше дијагностицирана Neuroblastoma Metastaticum, поради што се лекуваше во Скопје, во Љубљана и Истанбул.

И иако веќе подолго време таа е добра, по цели две години борба со болеста, Тара денес заѕвони на победничкото ѕвонче на Детската клиника во Скопје, како симболична порака дека ја победила болеста.

Христина објави видео од емотивниот момент со силна порака:

„Мојата хероина, мојата гордост најголема, мојата најголема животна лекција... После цели две години борба по болници еве ја тука и таа...

Нека ѕвони најсилно ѕвончето денес!

Господе фала ти! Сите деца од тука да излезат вака и дај Боже ниту едно дете да не треба да влезе на овие врати!

Огромно благодарам до целиот медицински тим што ја лечеше Тара цело ова време.

На сите роднини и пријатели кои беа и останаа цело време со нас - со вас сѐ беше полесно.

Фала ви на сите тука што сте на овој профил и што ми дававте ненормална сила, поддршка, не знаете колку ми значи.

Господ да нè чува сите, ве сакаме!“

Кликнете на видеото за да го погледнете:

А. Ј. | Црнобело