Јана Стојановска емотивно се потсеќа на починатиот татко Ненад: „Ти и јас напред у кола, Bijelo Dugme на касета – никој уште не те надмина“

Детали

понеделник, 14 јули 2025

„Позади Ана и мама... ти и ја напред у кола... пука Bijelo Dugme на касета, идеме за Белград...“ – напиша Јана Стојановска на 27-годишнината од смртта на нејзиниот татко, легендарниот актер Ненад Стојановски.

Денес се навршуваат 27 години откако легендарниот актер Ненад Стојановски, прерано го напушти овој свет, а зад себе ги остави сопругата Силвија и ќерките Јана и Ана, три прекрасни актерки.

Јана имала 13 години кога нејзиниот татко починал, а нејзината сестра Ана 9, но иако биле мали, се сеќаваат на моментите поминати со него.

Сега Јана објави стара фотка од Ненад и носталгично си ги наврати спомените:

„Позади Ана и мама... ти и ја напред у кола... пука Bijelo Dugme на касета, идеме за Белград... Никој уште не те надмина само да знаеш... Фала ти што правиш да е лесно никогаш да не заборавам која сум и од каде доаѓам... 27“.

Таа често објавува фотки со него и се потсеќа на него, не пропуштајќи шанса да каже колку била горда на него. 

Прочитајте и Јана Стојановска со тон емоции за татко ѝ Ненад Стојановски: „Гледам во небото и се гордеам со тебе, иако те нема 25 години“

За потсетување, Ненад Стојановски на 45-годишна возраст починал ненадејно на 14 јули 1998 година во Скопје, а беше познат театарски, филмски и телевизиски актер.

Го паметиме по улогите во „Диво месо“, „Трст виа Скопје“, „Бушава азбука“ и уште многу други филмови, серии и театарски претстави. 

Тој бил пример за колегите, кои ден-денес се сеќаваат на него и пишуваат само добри зборови за неговиот лик и дело.

М. М. | Црнобело