Јана Стојановска со тон емоции за татко ѝ Ненад Стојановски: „Гледам во небото и се гордеам со тебе, иако те нема 25 години“

Детали

недела, 20 август 2023

„Не ми треба ништо друго во животот од тоа кога ќе ме нема моите деца да се чувствуваат толку горди на мене како јас сега на тебе, иако те нема веќе 25 години. Најчовек еден“, напиша актерката Јана Стојановска и сподели емотивно видео за својот починат татко, Ненад Стојановски.

Актерката Јана Стојановска Черенко со емотивна објава за нејзиниот починат татко Ненад Стојановски ги разнежни пријателите кои ја следат на Инстаграм.

Јана сподели кратко видео од претставата „Брод плови за Београд“, која се игра во „Ателје 212“ во Белград.

Па додека таа ја пее „Ако одам во Битола“, на филмско платно во позадината се појавува фотографијата на еден од најголемите македонски актери, Ненад Стојановски.

„Си одам накај дома после претставата ‘Брод плови за Београд’ во Ателје 212, гледам во небото и си мислам: ‘Браво бе тато... ама репери постави’. Не ми треба ништо друго во животот од тоа кога ќе ме нема моите деца да се чувствуваат толку горди на мене како јас сега на тебе, иако те нема веќе 25 години. Најчовек еден“, напиша таа.

Јана е сестра на познатата актерка Ана Стојановска, која деновиве воодушеви на Филмскиот фестивал во Сараево, а ќерка на актерите Силвија и Ненад Стојановски.

Таа беше мала кога почина нејзиниот татко, но често објавува негови фотографии на својот Инстаграм, во знак на сеќавање.  

Погледнете го видеото:

А. Ј. | Црнобело