Ирина Камилоска прослави роденден - сопругот Павле со љубовна порака, Едина емотивна што станале мајки во исто време

Детали

петок, 01 август 2025

„Годинава заедничката желба ни стана реалност, заедно да си бидеме мајки во исто време. Како што ни се оствари оваа желба, ти посакувам и сите останати да ти се исполнат. Пресреќна сум што овој живот го делам со тебе“ - гласи пораката од Едина Муса, една од најдобрите пријателки на Ирина. 

Планинарката Ирина Камилоска вчера (31.07) славеше роденден.

Таа не откри како го поминала денот, но со сопругот, синот и ќерката беше на Галичник, каде што го поминува поголемиот дел од времето.

Таа на својот профил на Инстаграм, сепак сподели голем број фотографии во вид на роденденски честитки од пријателите.

Меѓу првите, јавно ѝ честиташе сопругот Павле Камилоски, кој сподели фотка од хотелско лоби, на која двајцата се стилски усогласени.

„Среќен роденден љубов моја. Те сакам“ - напиша пејачот.

Роденденска честитка Ирина доби и од Едина Муса, која е една од нејзините најдобри пријателки.

„Годинава заедничката желба ни стана реалност, заедно да си бидеме мајки во исто време.

Како што ни се оствари оваа желба, ти посакувам и сите останати да ти се исполнат.

Пресреќна сум што овој живот го делам со тебе. Биди ми најсреќна“ - пишува во пораката од поранешната кошаркарка.

Слична порака Ирина доби и од водителката Снеже Велков, во чија емисија Ирина се запознала со сопругот Павле, и за која велат дека е „виновна за нивната љубовна приказна“.

„Среќен роденден убавино! Врвот не се заслужува - се освојува.

А ти, не само физички, туку и човечки имаш освоено многу врвови, продолжи понатаму!

Сега го имаш најдоброто трио што те бодри!“ - напиша Снеже.

Повеќе фотографии од Ирина:

А. Ј. | Црнобело