Жарко Димоски и Андреа прославија 5 години брак – тој ѝ подари прстен со 5 дијаманти, па имаа интересна случка

Детали

понеделник, 11 август 2025

„5 дијаманти за 5 години брак“ – напиша Андреа на фотката од подарокот од нејзиниот сакан, актерот Жарко Димоски, кој ја запроси со прстен во Киндер јајце пред 6 години. Тие прославија во ресторан во Хрватска со синот, додека уживаат во луксуз, а имаа и една интересна случка во моментот кога таа го доби прстенот.

Актерот Жарко Димоски и неговата избраничка Андреа Јосифова прославија 5 години брак, додека се на одмор на островот Раб во Хрватска, откако претходно ја посетија прекрасната Тоскана. 

Тие престојуваат во хотел со прекрасен поглед на море, а оттаму Андреа сподели фотка од свадбата и нивниот уникатен аутфит.

„Поминаа 5 години од овој ден. 5 години во брак, 8 години заедно. Засекогаш!“ – напиша таа.

Подоцна во текот на денот, парот ја славеше љубовта во ресторан, заедно со нивното синче Вито, кое ги придружува секаде и на сите патувања, а наскоро ќе полни 2 години.

Таму парот наздрави за 5-годишнината, а Андреа се пофали со подарокот кој ѝ го дал нејзиниот сакан – прстен со 5 дијаманти.

„Слатко изненадување, 5 дијаманти за 5 години“ – напиша таа на фотографијата од прстенот кој блеска во кутија.

Освен што се изненадила од подарокот, таа сподели интересна ситуација која се случила во истиот момент кога го добила прстенот.

На Инстаграм Стори објави фотографија од пар во ресторанот и напиша:

„Интересно е како работи Универзумот. Во моментот кога го добив прстенот, овој пар се сврши. Брзо скокнав за да ги фотографирам овие вљубени гулапчиња и нивниот момент“.

Инаку, Андреа и Жарко стапија во граѓански брак во Ровињ, Хрватска во 2020-та среде корона, а по неколкупати откажување на свадбата заради протоколите, во 2022 конечно ја направија свадбената церемонија.

Двајцата обожаваат патувања, а иако одат на егзотични дестинации како Малдиви, каде на почетокот на годината уживаа со синчето, тие често се и во Хрватска, бидејќи Жарко е половина Хрват.

Прочитајте повеќе: Андреа Јосифова за бракот со актерот Жарко Димоски: „Ме запроси со киндер јајце, свадбата ја презакажавме трипати, во Италија беше магично“

М. М. | Црнобело