Ана Стојанова по операцијата на слепо црево: „Со уште некој рез на мене како подарок одам понатаму“

Детали

четврток, 11 септември 2025

„Операцијата помина успешно. Не сакам ни да помислам што ќе се случеше ако тогаш навистина се качев на едрилица, на сред море…“, вели Ана Стојанова и објави ново видео од болница, но сега од Скопје.

Ана Стојанова, која години наназад работи како онлјан фитнес тренер, неодамна заврши во болница во Волос, Грција.

Таа оттаму требаше да исплови на патување со своите клиентки, но за жал нејзината армија, како што си ги нарекува таа самата, исплови без неа, а таа заврши во болница, поради напад на слепо црево.

На почетокот ѝ кажале дека ќе се смири со антибиотици, но потоа испаднало дека навистина ѝ била потребна операција.

По операцијата во Скопје, Ана повторно се огласи со видео, каде вели: „Со уште некој рез на мене како подарок одиме понатаму како ништо да не се случило“.

Во описот на видеото пишува:

„Операцијата помина успешно, пациентот е спасен и веќе е дома.

Не сакам ни да помислам што ќе се случеше ако тогаш навистина се качев на едрилица, на сред море…

Планиравме да испловиме во 13 часот од Волос, но нашата едрилица беше готова дури во 17 часот. Додека ние чекавме, другите две веќе одамна беа тргнати.

Сè ова ме потсети дека некогаш токму „задоцнувањето“ е она што нè спасува. Колку и да планираме, не е сè во наши раце…

Денес сум само среќна и благодарна што сè заврши добро“.

Кликнете на видеото:

 

С. С. | Црнобело