Горди сме! Македонски танчари станаа светски шампиони - Љубљана обоена во црвено-жолто

Детали

недела, 26 октомври 2025

„Македонијо имаш на што да се радуваш и со што да се гордееш! Македонската химна се пееше на цел глас. Емотивно е мал збор, испишавме историја“ - напишаа од танцовото студио Eureka.

Македонските танчари од студиото Eureka Dance Company станаа светски шампиони во танц, на првенството што се одржа во Љубљана, Словенија.

Тие се закитија со злато во категоријата Продукција all styles and ages на IDO Hip-hop and Popping World Championships

На второто место исто така беше танцова група од Македонија, па кога застанаа на подиумот, двете екипи го обоија во црвено-жолта боја, и ја пееја на глас нашата хумна.

„Авторското дело насловено You against you е приказна за искрената детска желба, за соништата и патот до нивно остварување и е во кореографија, идеја и реализација на Ања Јолакоска.

На сцена бевме 58 танчери од 8 до 20 години и 8-минутна авторска кореографија.

Инаку, на Светското првенство учествуваат околу 4.300 учесници од 31 земја и 5 континенти“, рекоа од Eureka за CRBOBELO.com.

Видео од славењето на победничките екипи и моментот на пеењето на химната, е објавено на Инстаграм профилот на танцовото студио.

„Македонијо имаш на што да се радуваш и со што да се гордееш! Македонската химна се пееше на цел глас, а Љубљана ја обоивме црвено-жолта.

Емотивно е мал збор, испишавме историја. Тацот и љубовта секогаш победуваат! Верувајте во себе и вашите соништа.

Ања Јолакоска ни подари парче вистинска бајка“ - пишува во објавата.

Кликнете и погледнете го видеото:

А. Ј. | Црнобело