Браво! Сопственик на македонски фаст-фуд му подари автомобил на свој вработен: „Гинеше со мене кога беше најтешко“

Детали

четврток, 13 ноември 2025

„Од почетокот, кога немавме ништо, до денес кога стоиме позади нешто големо, за ништо никогаш не ме одби и не кажа не. Никогаш ништо не побара, а даваше сè за фирмата. Ова е фала од мене за сите години лојалност и труд“, напиша газдата Мише Цвејевски и сподели фотки од изненадувањето за својот вработен Антонио.

Мише Цвејевски, сопственикот на познатиот фаст-фуд ланец Baking Bread во Скопје, е несебичен човек со големо срце. Тој изненади еден од своите вработени, Антонио Атанасовски, и му подари автомобил.

Мише, вели дека не може да заборави колку Антонио му помагал и „гинел“ за компанијата како да е негова, па сака да му се заблагодари за целата пожртвуваност низ годините.

Мише Цвејевски

Несебичноста на Мише ја изненади јавноста, па велат дека се ретки ваквите газди кои знаат вистински да го ценат тоа што вработените го прават за нив.

На својот Инстаграм, тој објави две фотки од изненадувањето за Антонио.

Антонио Атанасовски

Со пораката до него, Мише трогна, и насмеа многумина:

„Шупе не е само дел од Baking Bread, Шупе е дел од приказната.

Од почетокот, кога немавме ништо, до денес кога стоиме позади нешто големо.

Гинеше со мене кога беше најтешко.

За ништо никогаш не ме одби и не кажа не.

Никогаш ништо не побара, а даваше сè за фирмата.

Некогаш е Шупелка и ме нервира, ама тоа е нормално. 

Ова не е поклон, ова е твоја лична заслуга.

Ова е фала од мене за сите години лојалност и труд во Baking Bread.

За тоа што поминавме, и за тоа што следи“.

Погледнете ја неговата објава:

А. Ј. | Црнобело