Жената која роди на 60-годишна возраст во болница во Штип позира со своето дете во прегратка: „Нашата гордост“

Детали

понеделник, 29 декември 2025

„Жената која стана мајка на 60 години со помош на успешна ин витро постапка во нашата болница, нè поздравува за новогодишните празници со своето најголемо богатство во прегратка“, стои во Фејсбук објава на болницата д-р Органџиски.

На Фејсбук профилот на клинката на д-р Стојан Органџиски споделија новогодишна честитка од жена која родила на 60-годишна возраст.

Жената го добила детето со помош на ин витро процедура во нивната клиника во Штип.

„Нашата гордост.

Жената која стана мајка на 60 години со помош на успешна ин витро постапка во нашата болница, нè поздравува за новогодишните празници со своето најголемо богатство во прегратка.

Тоа мало прекрасно дете е нејзиниот свет, а за нас е најголемата радост и најсилната потврда зошто никогаш не се откажуваме.

Во тие очи има радост што ја знаат само оние што долго чекале. Во таа прегратка има години надеж, трпение, борба и вера. Вера дека сонот ќе се оствари и покрај сè. И, се оствари!

Ова не е само медицински успех. Ова е победа на човечноста, на упорноста и на љубовта. Победа над стравовите, над годините, над сите што рекле 'нема шанси'.

Таа денес живее живот исполнет со смисла, смеа и детска радост. А, ние сме неизмерно благодарни што бевме дел од патот што доведе до ова чудо.

Нека оваа приказна биде надеж за сите што сè уште чекаат. Нека биде потсетник дека чудата постојат, дека границите се поместуваат и дека љубовта особено мајчинската, нема возраст.

Среќни новогодишни празници од едно мало големо чудо и една исклучително храбра мајка“, стои во објавата.

Спирова С. | Црнобело

фото: Фејсбук