Нашата мала хероина Верче утре си оди дома кај мама, тато и бато, по последната зрачна терапија и борбата со ракот

Детали

среда, 01 април 2026

„1 април е… ама ова не е шега. Денес славиме оти нашата храбра Верче од Родителската куќа ни кажа најубава вест... Утре ја има последната зрачна терапија и си оди дома. Со мама, тато и бато… таму каде што припаѓа“, велат од САНО.

Од организацијата САНО, која им помага на децата со малигни заболувања и на нивните родители, и се огромна поддршка во нивното секојдневие, објавија прекрасна вест.

Тие споделија какви цртежи направила за 1-ви април малата хероина Верче, која утре ја има последната зрачна терапија и си оди дома.

Од САНО за Верче велат:

„1 април е… ама ова не е шега.

Денес славиме оти нашата храбра Верче од Родителската куќа ни кажа најубава вест... Утре ја има последната зрачна терапија и си оди дома!

Со мама, тато и бато… таму каде што припаѓа.

Дојде моментот кога насмевките се погласни од сè.

Верче, ти си наш херој!

Ајде другари! Да ѝ посакаме топло добредојде дома и уште многу здрави, безгрижни денови напред.

Те сакаат Сановци од Родителската куќа

*фотографијата е објавена со одобрение на родител“

С. С. | Црнобело