Ивана Кнез, нерасположена, си направи празнични фотки со AI: „Збогум 2025-та, ми го искрши срцево неколкупати“

Детали

среда, 31 декември 2025

Ивана Кнез за новата 2026-та вели: „Не е важно каква ќе е, ќе ја живееме“, откако емотивно сподели каква тешка година има зад себе и кои лекции ги научила, од кои најважната е: „Ако не се сакам сама себе вистински, ќе ги уништам оние околу мене кои вистински ги сакам“. Се согласувате, зарем не?

Ивана Кнез е наша модна дизајнерка, но и жена со став... Секогаш искрено ги споделува своите мислења на многу теми, а и кога станува збор за менталното здравје и низа други значајни теми, говори јавно.

Па, така и сега искрено проговори колку ѝ била тешка 2025-та и дека била нерасположена за фотки на крајот од годината, па затоа си направила со помош на вештачката интелигенција (AI) и тоа со нејзиниот омилен лик Гринч.

Плус, искрено ги споделува работите што ги научила во 2025-тата.

Ивана Кнез вели:

„Добрата страна на вештачката интелигенција е што во моменти кога не ти е до социјални медиуми, на неа секогаш ѝ е.

Збогум 2025, ме научи дека ако не се сакам сама себе вистински, ќе ги уништам оние околу мене кои вистински ги сакам.

Ме научи дека ако немаш контрола над мозокот и свеста, немаш контрола над сопствениот живот.

И ме научи дека тоа што не можеш да го контролираш, баш тоа те контролира тебе.

Да можам да те преживеам одново, пак би те одбрала, иако ми го искрши срцево неколкупати.

Од тие кршења се составив појака и сега точно знам кој е мојот пат и како ќе останам цврсто на него.

Вас, прекрасници мои, со цело срце ви благодарам за вашата поддршка и присуство, единствена причина за која ги имам социјалните мрежи сте ми вие.

Пораките во инбокс, женската интуиција и женската енергија за мене беа светлата точка на оваа година. Сфатив дека не сум сама и дека не смее да се потцени присуството на секоја од вас во мојот виртуелен свет, сè има причина зошто е така.

Ве љубам бескрајно, ни посакувам здравје пред сè, свест, љубопитност, амбиција, волја и присутност во сегашноста на секоја една од нас. Љубовта ги следи овие работи сама! 

Ве љубам прекрасници и со мојот омилен лик Гринч ви посакувам Среќна нова 2026 година... Не е важно каква ќе е, ќе ја живееме“.

С. С. | Црнобело